Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lookilera’n 19:12 - Nouveau Testament en Gulay 2004

12 Kum’n on por njoi-njoi asenan se por bilm-bilm bè. Jɔkɔ tête rɔ bule tò dènn’t a tɔ. Dé ndang ri ke doo karé bè géa ger lé dènn’t. Ri nè nga è kuwe se kar’n á ger.

အခန်းကိုကြည့်ပါ။ ကော်ပီ




Lookilera’n 19:12
25 ပူးပေါင်းရင်းမြစ်များ  

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.


«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»


Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.


Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.


Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.


Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.


Titeke bè Nube unn Krist mbeng unde’n dè njé kunde gir gute-nduge se njétɔgmong-ge se njé kàde bòge se kuwe-ɓeege ke danrán éké ke dè nang nè malang, éké ri ke rara malang ke d’a ɓar dann dooge ɗarinè éké ke ndɔ ke rang nga, Krist dum dè de malang.


Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.


Dè’n se bin dè’n putu nda káng-káng tite bin bate ke nda éké tite kɔtche bè. Kum’n taa por bilm-bilm tite ndon por bè a tɔ.


Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.


Taɓai m’an dan karé ke rang unde loo tee dann ba-bò kate’t. Dan nè nga ube gajennge dɔg a, dènnge ei ji sejimute a tɔ. E tule jɔkɔ ke ndoin asenan se kɔnyon tu gajennge’t karé-karé malang. Rige ke dé ndang tu dènnge’t karé-karé malang nga ei rige ke ɔje dè tam tà ke majelé se Nube.


Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»


Doo ke tête rɔ ɓaa, m’a m’ade à è kage ngaw gile kei ke tò se ninn’n le Nube le’m. M’a m’ade à tel kunde loo tee nata gile kei’t nè nga ndan lé. M’a m’ndang ri Nube le’m se ri ɓee-bò le Nube le’m dènn’t a tɔ. Ɓee-bò nè nga è Jérusalem ke kige ke in danrán ra Nube’t le’m. Doo ke tête rɔ ɓaa, m’a m’ndang ri’m ke kige dènn’t a tɔ.


Go’t gugu, m’an sinde-gaglam. Doo ke al dè sinde’t nè nga uwe ngɔndong jinn’t. Doo nè nga d’ade’n jɔkɔ gon rɔ. E gon rɔ ke aw tede le tête rɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ