Lookilera’n 18:23 - Nouveau Testament en Gulay 2004

²³ Por lampe à ndoin ndên kem̂i i ɓee-bò’t nè nga gugu ndan lé a, doo à koo ndu njé taa dinye kige se njé ngaw kige kem̂i i ɓee-bò’t nè nga gugu ndan lé ta. Oiyo, njé ra gatege ke ndii kem̂i i ɓee-bò’t nè nga géa, ndɔ ke ei baw nyankingege dè nang nè: tede i libe kum girkoje dooge malang se dè ɓee-dè ɓee ade ndemi a tɔ.»

Lookilera’n 18:23 ပူးပေါင်းရင်းမြစ်များ

Nyanra Njekawkulege 8:11

Dooge uri mbi de ngaw njêt ke ra Simon’t tede nyan mbelige ke è ra mari bere nga ade ndil de tee an-in.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 17:2

Ngar-ɓeege ke dè nang nè tooi se’n ke kaiya’t a, dooge ke ndii dè nang nè nga géa, tò se nan ke kaiya’t le’n tɔl de singling tite yibe nduu ke tɔl dooge bè.»

Lookilera’n 17:5

Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 18:22

Doo à koo ká kundu-jêng-ge se ká njékunde nyan kɔse’n page, ká têbege se ká burunju à ɓar kem̂i i ɓee-bò’t nè nga gugu ndan lé ta. Doo à tel kinge kɔde ke njé ra kule ke rara éké doo à koo ká bir ɓar kem̂i i ɓee-bò’t nè nga gugu ndan lé ta.

Lookilera’n 18:3

E ade girkoje dooge se dè ɓee-dè ɓee an-in yibe nduu wong tò se nan ke kaiya’t le’n. Ngar-ɓeege ke dè nang nè géa tooi se ɓee-bò nè nga ke kaiya’t. Njé ra gatege ke dè nang nè nga géa ubei maje nyankinge takul nyan maje le’n ke mbirin-mbin.»

Lookilera’n 18:9

Ngar-ɓeege ke dè nang nè malang ke njé tooi se’n ke kaiya’t a, ke njé korè se’n nan dè ndi deŝ dann maje’t le’n nga, loo ke à an-in sà por ke à ró ɓee-bò ɓaa, ei à non-in kundei kàde de dai-dai.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 6:15

Ngarge se dooge ke ngak-ngak se njékan dè njérɔge ke ngak-ngak se bawge se njé tɔgmong-ge se ɓerge a, se dooge ke ndii dè de pal dè nang nè an-in awi ɓɔyɔi ra de kem̂ bolè mbalge se bolè herge a tɔ.

Lookilera’n 9:21

Dooge nè nga mbati kinyei go tɔl dooge se ra nyan mbelige, se tò se nan ke kaiya’t, ei mbati kinyei go ɓoge le de a tɔ.