Lookilera’n 18:2 - Nouveau Testament en Gulay 2004

² Doo ke danrán nè nga tam tà se ndu’n ke bòi beng ede nè: «Ɓee-bò ke Babylone nga tuju! ɓee-bò ke Babylone nga tuju! Ɓee-bò nè nga tel è kei ndi ndilge ke majelé a, kei ɓɔyɔ ra le ndilge ke yêr a tɔ. Ɓee-bò nè nga tel è kei ndi helge ke yêr a, dange ke yêr ke kum kan lé a tɔ.

Lookilera’n 18:2 ပူးပေါင်းရင်းမြစ်များ

Lookilera’n 1:15

Nja’n ndolé kein-kein tite ninge-kase ke d’ule tà tor’t d’ade yede’n tee bè. Ndu’n ɓar ase loo nák-nák tite ká mann ba-bò kate ke ɓar bè.

Lookilera’n 10:3

E ra nyan se ndu’n ke bòi beng asenan se toboi ke uje rɔ bè. Loo ke doo nè ra nyan se ndu’n ke bòi beng ɓaa, ndi ndang pain-pain nja ji sejimute.

Lookilera’n 11:8

Ninn de à tò nang ka-rebe kɔse’t kem̂ ɓee-bò ke dé ɓer Kuwe-ɓee le de kàde kage-ke-dese’t tutu nga. Ɓee-bò nè nga dé ɓar’n se gos d’ede nè: Sodome se Egypte.

Lookilera’n 14:15

Taɓai doo ke danrán karé ke rang unde loo pitring tee kem̂ kei ke tò se ninn’n. E tam tà se ndu’n ke bòi beng ede doo ke ndi dann kil ndi’t ede nè: «Ile ngɔrong lei nang lêr-lêr uje’n ko, tede ko ke dè nang nè nga tutu ɓá a, nan sà’n tee ɓá a tɔ.»

Lookilera’n 14:8

Doo ke danrán ke njèkon’t joo ndolè go njè ke desêin nga se tà tànn’t ede nè: «Babylone ke bòi nga oso! Babylone ke bòi nga oso! Babylone nga è njè kade girkoje dooge gai-gai malang weii yo wong tò se nan ke kaiya’t asenan se yibe nduu wong ke tɔl dooge singling bè.»

Lookilera’n 16:13

M’an ndilge ke majelé ke majelé mute undei loo teei taai nan se kanran bange bè. E ke karé tee tà dan-kɔbe’t, è ke karé tee tà dan’t a, è ke karé unde loo tee tà doo ke ra ra’n ke njèribe-dè-tà ke tà Nube’t a tɔ.

Lookilera’n 16:19

Ɓee-bò nga kai ra’n danné loo mute. Ɓee-bòge ke dè ɓeege ke rang malang nga géa, tosoi tuji a tɔ. Kem̂ Nube olé dè kaiyage’t le ɓee-bò ke Babylone. Nube ade’n nyantosowur ke kem̂ bai yibe nduu wong’t le’n an-in.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 17:5

Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 18:10

D’ade ɓel nyantosowur ke à ra ɓee-bò nè nga ɓaa, d’a nda heb se’n tá d’a tam kede nè: «Habi! nyantosowur ke bain á tanan bè! ké nyantosowur ke bain á tee dè ɓee-bò ke Babylone, ke njètɔg nga, titeke bè wa! Ké i nga kuwe á Nube gangtà dèi’t kum kàde karé bere nè wa?»

Lookilera’n 18:21

Doo ke danrán karé ke njètɔg unn her ke tò titeke mbal kusu ko ke bòi bè lɔke piring ile dann ba-bò kate’t, ede nè: «Ɓee-bò ke Babylone nga, d’a d’ile’n piring kɔke titeke bè kuwe tɔ. Doo à tel kan’n gugu ndan lé sár.

Lookilera’n 5:2

Go’t gugu ɓaa, m’an doo ke danrán ke njètɔg. E deje tà se ndu’n ke bòi bèng ede nè: «Ké nan asekum tutu tà nyankorjige ke dé tinye’n tà magtub’t nè nga le teen kem̂ kan wa?»