Lookilera’n 18:15 - Nouveau Testament en Gulay 2004

¹⁵ Njé ra gatege ke teli ei baw nyankingege kem̂ ɓee-bò’t nè, takul nyan gatege le de nga, à ndai heb ngain tede ɓeli nyantosowur ke à ra ɓee-bò ke Babylone nè nga. Njé ra gatege à non-in a, à ndingei ndoo tede le’n a, à non-in kaláng-kaláng kedi nè:

Lookilera’n 18:15 ပူးပေါင်းရင်းမြစ်များ

Marc 11:17

E deje de ede nè: – Kei le’m nga, ké njéribe-dè-tàge ke tà Nube’t ndangi kêm magtub’t edi nè: «A è kei kɔje tà se Nube le kosdooge malang» lé wa? Ké bain á sei i telii ke mbonreen loo ɓɔyɔ ra le gon-ɓogege wa?

Nyanra Njekawkulege 16:19

Nè loo ke kuwe ngonn ke dinye ke sa nè nga an-in titeke dè nyankinge le de à ɔse ngei ɓaa, ei uwei Paul se Silas ndɔri de awi se de ndá-loo’t non njékonɓeege’t.

Lookilera’n 18:12

Nyan gatege ke uri kugu dè nan’t bing-bing: nar-ɔr, nar-nda, herge ke gate de è ngain se mede-ngarge, kubu ke ker perm-perm, kage ke rara ke ɓus’n ete maje, jó-bai ke ra se gɔge kede se kage ke rara ke gate’n è ngain se ninge-kase, nar ke mong, her ke ndang mbin,

Lookilera’n 18:13

kàde kage ke ete ke ri’n nè Canelle, non-kage, wubuge ke dé ra se putu nyange ke ete sununu se yibe nduu a, wubu a, nduju koge a, se mangege a, se batege a, se sindege a, se wotro rɔge ke nja sɔ a, se ɓerge a, se dooge ke karè a tɔ.

Lookilera’n 18:14

Njé ra gatege à tami kedi nè: «Nyange ke maje-maje ke ngur ndogo’n ra dooge ke kem̂ ɓee-bò ke Babylone nga, gotoi. Nyanbawge le’n ke ndolé mbeble a, se ke ndoin-in kein-kein nga géa, gotoi rann’t njêl a tɔ. Doo à tel kinge de gugu ndan lé ta.»

Lookilera’n 18:19

D’ɔi bubur d’um ke dè de’t, dè de’t dé non’n kaláng-kaláng a, dé ndinge’n ndoo a tɔ, d’ede nè: «Nyantosowur ri á tanan bè wa! Nyantosowur ke bain á tee dè ɓee-bò’t titeke bè wa! Kuwe-batoge ke dann ba-bò kate’t teli ei baw nyankingege takul nyankingege le ɓee-bò ke Babylone ke tooi ndàj-ndàj. Nè kum ke tuge jip kuwe, ɓee-bò nè nga tel è ndube-ɓee se non.»

Lookilera’n 18:3

E ade girkoje dooge se dè ɓee-dè ɓee an-in yibe nduu wong tò se nan ke kaiya’t le’n. Ngar-ɓeege ke dè nang nè géa tooi se ɓee-bò nè nga ke kaiya’t. Njé ra gatege ke dè nang nè nga géa ubei maje nyankinge takul nyan maje le’n ke mbirin-mbin.»