Lookilera’n 18:14 - Nouveau Testament en Gulay 2004

¹⁴ Njé ra gatege à tami kedi nè: «Nyange ke maje-maje ke ngur ndogo’n ra dooge ke kem̂ ɓee-bò ke Babylone nga, gotoi. Nyanbawge le’n ke ndolé mbeble a, se ke ndoin-in kein-kein nga géa, gotoi rann’t njêl a tɔ. Doo à tel kinge de gugu ndan lé ta.»

Lookilera’n 18:14 ပူးပေါင်းရင်းမြစ်များ

Matthieu 11:8

Edi man. Ké ri á sei awi le kan-in wa? Ké awi le kan-in doo ke tule kubuge ke ndolé rann’t wa? An-in! njé ke tulei kubuge ke ndolé ra de’t nga ndii kêm kei ndi ngarge’t.

Tà ke Maje ke Luc ndang 12:20

Nè Nube ede dingem nè nga ede nè: «I njè kêm tɔ kuju tà lé. Ndɔɔ nè kuwe a wei. A ɓaa, nyan malang ke i uwe dè nja nga, ké à k’ee le nan ta wa?»

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

1 Nje Ke Corinthe 10:6

Nyange ke teei dè de’t nè nga ei nyan-tɔjege tede kade j’ebi ra jéi dè ngur nyange ke majelé ke ndɔ ke rai kà jéige kété nga.

Jacques 4:2

Sei ndingei nyan nè ingei lé. Loo ke sei ndingei nyan á ingei lé ɓaa, i teli i rai kem̂kein a, i rai jang se nan a tɔ. Nè né è bè géa sei asi kingei nyan ke i ndigei nga lé. Sei i kɔli nan a, i tin-in nan a tɔ. Sei kɔi nyan nè ingei lé tede i kɔi Nube se go rebe’n lé.

Lookilera’n 18:13

kàde kage ke ete ke ri’n nè Canelle, non-kage, wubuge ke dé ra se putu nyange ke ete sununu se yibe nduu a, wubu a, nduju koge a, se mangege a, se batege a, se sindege a, se wotro rɔge ke nja sɔ a, se ɓerge a, se dooge ke karè a tɔ.

Lookilera’n 18:15

Njé ra gatege ke teli ei baw nyankingege kem̂ ɓee-bò’t nè, takul nyan gatege le de nga, à ndai heb ngain tede ɓeli nyantosowur ke à ra ɓee-bò ke Babylone nè nga. Njé ra gatege à non-in a, à ndingei ndoo tede le’n a, à non-in kaláng-kaláng kedi nè: