Lookilera’n 18:11 - Nouveau Testament en Gulay 2004

¹¹ Njé ra gatege ke dè nang nè géa, non-in tede ɓee-bò nè a, rai ndoo’n a tɔ, tede doo karé bè ke njè ndogo se de nyan gatege le de goto ta.

Lookilera’n 18:11 ပူးပေါင်းရင်းမြစ်များ

Matthieu 22:5

Nè use de nyan lé ade d’ɔte ɗák d’aw looge le de. E ke karé ɔte aw ndɔrɔ le’n a, è ke karé ke rang ɔte aw loo ra gate’t le’n a tɔ.

Jean 2:16

Jésu tur ra’n dè njékige der-ndage’t ede nè: – I teei se nyange nè nga malang nata kɔke loo ke nè’t. I teli kei le Bɔ’m nga ke kei ra gate lé.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

Lookilera’n 18:15

Njé ra gatege ke teli ei baw nyankingege kem̂ ɓee-bò’t nè, takul nyan gatege le de nga, à ndai heb ngain tede ɓeli nyantosowur ke à ra ɓee-bò ke Babylone nè nga. Njé ra gatege à non-in a, à ndingei ndoo tede le’n a, à non-in kaláng-kaláng kedi nè:

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 18:23

Por lampe à ndoin ndên kem̂i i ɓee-bò’t nè nga gugu ndan lé a, doo à koo ndu njé taa dinye kige se njé ngaw kige kem̂i i ɓee-bò’t nè nga gugu ndan lé ta. Oiyo, njé ra gatege ke ndii kem̂i i ɓee-bò’t nè nga géa, ndɔ ke ei baw nyankingege dè nang nè: tede i libe kum girkoje dooge malang se dè ɓee-dè ɓee ade ndemi a tɔ.»

Lookilera’n 18:3

E ade girkoje dooge se dè ɓee-dè ɓee an-in yibe nduu wong tò se nan ke kaiya’t le’n. Ngar-ɓeege ke dè nang nè géa tooi se ɓee-bò nè nga ke kaiya’t. Njé ra gatege ke dè nang nè nga géa ubei maje nyankinge takul nyan maje le’n ke mbirin-mbin.»

Lookilera’n 18:9

Ngar-ɓeege ke dè nang nè malang ke njé tooi se’n ke kaiya’t a, ke njé korè se’n nan dè ndi deŝ dann maje’t le’n nga, loo ke à an-in sà por ke à ró ɓee-bò ɓaa, ei à non-in kundei kàde de dai-dai.