Lookilera’n 17:9 - Nouveau Testament en Gulay 2004

⁹ Doo ke njègos nyanger se kumkunju ɓaa à ter gir nyan nè nga. Dan ke dènnge ei ji sejimute nga, ei mbalge ke ji sejimute ke dinye nè ndi dè’t. Mbalge ke ji sejimute nga ei ngar-ɓeege ke ji sejimute tɔ.

Lookilera’n 17:9 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 24:15

Ndɔ karé a an-in Njè tuju loo à al ɗáng ndi loo ke tò se ninnen’t. Doo nè nga, Daniel njèribe-dè-tà ke tà Nube’t tam tà le’n kété. Maje kade nanan ke tute magtub nè ɓaa, gir tà nè nga maje le ger.

Lookilera’n 13:1

Taɓai m’an dan karé ke rang unde loo tee dann ba-bò kate’t. Dan nè nga ube gajennge dɔg a, dènnge ei ji sejimute a tɔ. E tule jɔkɔ ke ndoin asenan se kɔnyon tu gajennge’t karé-karé malang. Rige ke dé ndang tu dènnge’t karé-karé malang nga ei rige ke ɔje dè tam tà ke majelé se Nube.

Lookilera’n 13:18

Doo ke njèkumkunju ɓaa à ter gir nyan nè nga. Doo ke njègos nyanger ɓaa à mbɔje kɔr nyan ke ɔje dè dan nè nga. Kɔr nyan ke ɔje dan nga, è aru mute-mute se kɔr-mute-mute gidé-mute-mute.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 17:3

Doo ke danrán nè nga unn ndil’m seen aw se’n kem̂ dile’t. Ke loon’t nè kuwe, m’an dinye karé ndi dè dan ke ker mbon. Ri ke ɔje dè taje Nube taa ra dan nè nga pel-pel. Dan ke dinye ndi dènn’t nga, dènnge ei ji sejimute a, gajennge ei dɔg a tɔ.

Lookilera’n 17:7

Doo ke danrán ede’m ede nè: «Ké bain á ade ndili tee an-in soin-soin bè wa? M’a m’ɔrgir nyan ke tò loo ɓɔyɔn’t ɔje dè dinye se dan ke unn’n gidenn’t nga, kade oo. Dan nè nga dènnge ei ji sejimute a, gajennge ei dɔg a tɔ.»