Lookilera’n 17:5 - Nouveau Testament en Gulay 2004

⁵ Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 17:5 ပူးပေါင်းရင်းမြစ်များ

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

2 Nje Ke Thessalonique 2:7

Tɔgmong le njèkem̂yêr nè nga unn gir ra kule ɓá. Tɔgmong nè nga tò loo ɓɔyɔn’t ɓai. Loo ke njè kile’n kage ɗarinè à goto ɓá ɓaa, è à unde loo le tee ra kule le’n ta.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 11:8

Ninn de à tò nang ka-rebe kɔse’t kem̂ ɓee-bò ke dé ɓer Kuwe-ɓee le de kàde kage-ke-dese’t tutu nga. Ɓee-bò nè nga dé ɓar’n se gos d’ede nè: Sodome se Egypte.

Lookilera’n 14:8

Doo ke danrán ke njèkon’t joo ndolè go njè ke desêin nga se tà tànn’t ede nè: «Babylone ke bòi nga oso! Babylone ke bòi nga oso! Babylone nga è njè kade girkoje dooge gai-gai malang weii yo wong tò se nan ke kaiya’t asenan se yibe nduu wong ke tɔl dooge singling bè.»

Lookilera’n 16:19

Ɓee-bò nga kai ra’n danné loo mute. Ɓee-bòge ke dè ɓeege ke rang malang nga géa, tosoi tuji a tɔ. Kem̂ Nube olé dè kaiyage’t le ɓee-bò ke Babylone. Nube ade’n nyantosowur ke kem̂ bai yibe nduu wong’t le’n an-in.

Lookilera’n 17:1

Taɓai, doo ke danrán karé dann madennge ke ji sejimute ke ndai se bai nyantosowurge ke ji sejimute ji de’t nga ree ede’m ede nè: «I ree ade m’edi tà ke d’ade gang dè ɓee-bò ke tò tà ba-bòge’t. Ɓee-bò nè ra ra’n ke kaiya-dinye.

Lookilera’n 17:2

Ngar-ɓeege ke dè nang nè tooi se’n ke kaiya’t a, dooge ke ndii dè nang nè nga géa, tò se nan ke kaiya’t le’n tɔl de singling tite yibe nduu ke tɔl dooge bè.»

Lookilera’n 17:7

Doo ke danrán ede’m ede nè: «Ké bain á ade ndili tee an-in soin-soin bè wa? M’a m’ɔrgir nyan ke tò loo ɓɔyɔn’t ɔje dè dinye se dan ke unn’n gidenn’t nga, kade oo. Dan nè nga dènnge ei ji sejimute a, gajennge ei dɔg a tɔ.»

Lookilera’n 18:2

Doo ke danrán nè nga tam tà se ndu’n ke bòi beng ede nè: «Ɓee-bò ke Babylone nga tuju! ɓee-bò ke Babylone nga tuju! Ɓee-bò nè nga tel è kei ndi ndilge ke majelé a, kei ɓɔyɔ ra le ndilge ke yêr a tɔ. Ɓee-bò nè nga tel è kei ndi helge ke yêr a, dange ke yêr ke kum kan lé a tɔ.

Lookilera’n 18:21

Doo ke danrán karé ke njètɔg unn her ke tò titeke mbal kusu ko ke bòi bè lɔke piring ile dann ba-bò kate’t, ede nè: «Ɓee-bò ke Babylone nga, d’a d’ile’n piring kɔke titeke bè kuwe tɔ. Doo à tel kan’n gugu ndan lé sár.

Lookilera’n 19:2

Gangtàge le’n è se dè naje’n kerɔte kuwe! Nube gangtà dè ɓee-bò’t nè ke ndɔ ke dooge ke kem̂é ei njé tooi se nan ke kaiya’t nga. Nube gangtà dè ɓee-bò’t nè nga tede tɔl ke ndɔ tɔli ɓer kulege le’n ade mese de an-in nang.»

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»