Lookilera’n 17:4 - Nouveau Testament en Gulay 2004

⁴ Dinye nè nga tule kubu ke ker piriri se ke ker perm-perm rann’t. E dolè ra’n se nar-ɔr, se her ke gate’n è ngain a, se mede-ngarge a tɔ. E uwe nyankain mann ke dé ra se nar-ɔr jinn’t. Nyange ke yêr se nyange ke mine ke ɔje dè tò se nan ke kaiya’t le’n rusu kem̂ bai le’n ke jinn’t neĵ.

Lookilera’n 17:4 ပူးပေါင်းရင်းမြစ်များ

Lookilera’n 14:8

Doo ke danrán ke njèkon’t joo ndolè go njè ke desêin nga se tà tànn’t ede nè: «Babylone ke bòi nga oso! Babylone ke bòi nga oso! Babylone nga è njè kade girkoje dooge gai-gai malang weii yo wong tò se nan ke kaiya’t asenan se yibe nduu wong ke tɔl dooge singling bè.»

Lookilera’n 18:12

Nyan gatege ke uri kugu dè nan’t bing-bing: nar-ɔr, nar-nda, herge ke gate de è ngain se mede-ngarge, kubu ke ker perm-perm, kage ke rara ke ɓus’n ete maje, jó-bai ke ra se gɔge kede se kage ke rara ke gate’n è ngain se ninge-kase, nar ke mong, her ke ndang mbin,

Lookilera’n 18:16

«Habi! nyantosowur ri á tanan bè wa! Nyantosowur ri á tee dè ɓee-bò’t nè nga bè wa! Dooge ke kem̂ ɓee-bò’t nè nga tulei kubu ke sɔl lom-lom se kubu ke ker perm-perm se kubu ke ker jengleng se kubu ke ndoin kein-kein tite ɔr a, tulei her ke gate’n è ngain a, se mede-ngar ra de’t a tɔ.

Lookilera’n 19:2

Gangtàge le’n è se dè naje’n kerɔte kuwe! Nube gangtà dè ɓee-bò’t nè ke ndɔ ke dooge ke kem̂é ei njé tooi se nan ke kaiya’t nga. Nube gangtà dè ɓee-bò’t nè nga tede tɔl ke ndɔ tɔli ɓer kulege le’n ade mese de an-in nang.»

Lookilera’n 21:21

Tà rebe geng-bɔr ke dɔg-gidé-joo nga è mede-ngar ke dɔg-gidé-joo. Tà rebe karé tò ɔje dè mede-ngar karé tɔ. Ndá-loo ke kem̂ ɓee-bò’t nè nga dé ra se nar-ɔr ke deri ke ndolé kein-kein tite mede kɔtche bè.

Lookilera’n 9:21

Dooge nè nga mbati kinyei go tɔl dooge se ra nyan mbelige, se tò se nan ke kaiya’t, ei mbati kinyei go ɓoge le de a tɔ.