Lookilera’n 17:3 - Nouveau Testament en Gulay 2004

³ Doo ke danrán nè nga unn ndil’m seen aw se’n kem̂ dile’t. Ke loon’t nè kuwe, m’an dinye karé ndi dè dan ke ker mbon. Ri ke ɔje dè taje Nube taa ra dan nè nga pel-pel. Dan ke dinye ndi dènn’t nga, dènnge ei ji sejimute a, gajennge ei dɔg a tɔ.

Lookilera’n 17:3 ပူးပေါင်းရင်းမြစ်များ

Matthieu 27:28

Loo ke ei tɔri kubuge le’n rann’t ɓá ɓaa, ei ulei nin kubu le de ke bòi yul a, ker perm-perm a tɔ rann’t.

Nyanra Njekawkulege 8:39

Loo ke undei loo manné teei nata bè ɓaa, Ndil Kuwe-ɓee unn Philippe seen aw se’n ade njèkuju an’n gugu ndan lé ta. Nè njèkuju unn rebe le’n se ranel aw.

2 Nje Ke Thessalonique 2:4

Ngonn le njè tuju se non à kɔse nang kin, nyange malang dooge dɔyi nin éké nyan malang ke è ngarankum nyan ke dooge ilei koje dè’t nga, è à ute mbeng. Taɓai è à ndige le kaw sár ndi kem̂ kei ke tò se ninn’n le Nube, à ra ra’n ke Nube gée ɓai a tɔ.

Lookilera’n 1:10

Ndɔ karé bè è ndɔ le Kuwe-ɓee. Ndil ade m’oo ndu doo ɓar goom’t beng tite ká burunju ke ɓar bè.

Lookilera’n 12:14

D’ade dinye nè ndime bage kiro ke bò joo tede kade in nel’n bage tel aw’n dè dile loo ke ndɔ ke è ɓɔyɔ ra’n tutu nga. Dinye nè à ndi kem̂ dile’t ase ndɔ aru dɔg-gidé-joo se ndɔ kɔr-mute-mute kade d’ul’n heb tàkum li’t.

Lookilera’n 12:3

Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.

Lookilera’n 12:6

Dinye nè nga an-in ranm-ranm aw ɓɔyɔ ra’n kem̂ dile’t. Nube uwe dè nja loo kem̂ dile’t nè tede kade d’ul’n tutu ndɔ aru dɔg-gidé-joo se kɔr-mute-mute.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 17:4

Dinye nè nga tule kubu ke ker piriri se ke ker perm-perm rann’t. E dolè ra’n se nar-ɔr, se her ke gate’n è ngain a, se mede-ngarge a tɔ. E uwe nyankain mann ke dé ra se nar-ɔr jinn’t. Nyange ke yêr se nyange ke mine ke ɔje dè tò se nan ke kaiya’t le’n rusu kem̂ bai le’n ke jinn’t neĵ.

Lookilera’n 18:12

Nyan gatege ke uri kugu dè nan’t bing-bing: nar-ɔr, nar-nda, herge ke gate de è ngain se mede-ngarge, kubu ke ker perm-perm, kage ke rara ke ɓus’n ete maje, jó-bai ke ra se gɔge kede se kage ke rara ke gate’n è ngain se ninge-kase, nar ke mong, her ke ndang mbin,

Lookilera’n 18:16

«Habi! nyantosowur ri á tanan bè wa! Nyantosowur ri á tee dè ɓee-bò’t nè nga bè wa! Dooge ke kem̂ ɓee-bò’t nè nga tulei kubu ke sɔl lom-lom se kubu ke ker perm-perm se kubu ke ker jengleng se kubu ke ndoin kein-kein tite ɔr a, tulei her ke gate’n è ngain a, se mede-ngar ra de’t a tɔ.

Lookilera’n 21:10

Doo ke danrán nè nga unn ndil’m seen aw se’m dè mbal ke bòi ke ngal lêng-lêng. E tɔje’m ɓee-bò ke tò se ninn’n gai. Ɓee-bò nè nga è Jérusalem ke in ra Nube’t danrán á ree.

Lookilera’n 4:2

Ke loon’t nè kuwe, Ndil lá’m mêtch uwe’m ɓaa, m’an kutu-ngar karé ke d’unde kem̂ danran’t. Doo karé ndi dè kutu-ngar’t nè nga.