Lookilera’n 17:17 - Nouveau Testament en Gulay 2004

¹⁷ Nube kuwe à ule tàgir le’n dè ɓengre de’t tede kade dé ra’n nyan se go kem̂ndige le’n. E ade d’um tà le de nan’t karé, dé tel se konɓee le de kade dan sár kade tàge le Nube aw’n loon’t deĵ.

Lookilera’n 17:17 ပူးပေါင်းရင်းမြစ်များ

Tà ke Maje ke Luc ndang 22:22

Loo naje’n goto, man ke m’ee Ngonn doo nga, m’a m’ɔte kaw se maje’n se go rebe nyan ke d’ɔje’n dè’m. Nè doo ke njèkule’m ji de’t nga à an ɓai!

Tà ke Maje ke Luc ndang 22:3

Njè sú dooge ur kêm Judas’t ke ri tɔy’n nè Iskariot. Judas nga è è ke karé dann njé ke dɔg-gidé-joo’t.

Tà ke Maje ke Luc ndang 22:37

Man m’ede sei ndàt, tà nè ke dé ndang kêm Magtub’t d’ɔje’n dè’m d’ede nè: «Dé tute’n nan’t se njékaltà tà gute-ndu’t» nga, gar-gar à aw loon’t deĵ.

Jean 10:35

Njé ke tà le Nube oso mbi de’t nga, loo ke nange Magtub mann-ra ke mari ɓar de kum gute tà Nube. Tà ke tò kêm Magtub ke tò se ninn’n nga, doo asekum kɔr kile kɔke tuju’n lé.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 19:24

Njérɔge edi nan edi nè: – Adi jè tili kubu ke bòi yul nè nga lé, nè adi jè turi jala dè’t j’an-in, ké nan kubu nè à è le’n wa? Titeke bè á tà ke dé ndang kêm magtub’t kété nga aw loon’t deĵ. Dé ndang d’ede nè: «Dé kai nan kubuge le’m, nè kubu le’m ke bòi yul ɓaa, dé tur jala dè’t.» E á è nyan ke njérɔge rai titeke bè.

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

2 Nje Ke Corinthe 8:16

Ra Tite olé pêl-pêl dè ra se si’t titeke m’ra’n se si bè tɔ. Nube ke njè kade ra’n ɔlé pêl-pêl nga, m’ra’n oiyo ngain.

Lookilera’n 10:7

Nè ndɔ ke doo ke danrán ke njèkon madennge’t ji sejimute à unn gir kɔl burunju ɓaa, Nube à ra nyan le’n ke ɔje ke tò loo ɓoyɔn’t le kɔr son’n njêt. Nyan ke ɔje le ra ke tò loo ɓɔyɔn’t ɓai nga, ndɔ ke è ade ɓer kulege le’n ke ei njéribe-dè-tàge ke tànn’t ilei mber’n kété mari bere.»

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 17:13

Ngar-ɓeege ke dɔg nè nga, tel se tɔgmong se dèmong le de kade dan kuwe karé bere á è tàgir le de.

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 6:11

Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.