Lookilera’n 17:14 - Nouveau Testament en Gulay 2004

¹⁴ D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 17:14 ပူးပေါင်းရင်းမြစ်များ

Matthieu 22:14

Jésu tel ede de ede nè: – Kerɔte kuwe, dooge ke dé ɓar de nga bulei kuwe, nè njé ke dé tɔr de d’unde de se ei ngain lé karè.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Nje Ke Rome 1:6

Sei dooge ke kêm ɓee-bò ke Rome nga géa, Nube ɓar sei le kade sei dooge le Jésu-Krist tɔ.

Nje Ke Rome 8:30

Njé ke Nube ɔje kade ei ngannenge kété mari ke desêin nga, è ɓar de tɔ. Njé ke è ɓar de nga, è tel de ke njé ra nyan se dè najennge a, è ile riɓar dè de’t a tɔ.

Nje Ke Rome 8:37

Nè jè têti rɔ nyange nè nga malang takul tɔgmong le Nube ke njè tár jèi nga kum jéi ke kété.

1 Nje Ke Corinthe 15:24

Krist à tuju njékonɓeege se ndukunnge se tɔgmong-ge le de ei njékɔse tà se Nube kɔke pa ɓita à tel se ɓeekon kule ji Bɔ’n Nube’t ɓai. Ndɔ’n nè nga ɓita à è ngei ndɔ ɓai.

1 Timothee 6:15

Nube á è njè kɔje ndɔ kade Krist unde’n loo tee’n pan. Nube è ngire ranel. E kuwe karé bere luk-luk á è njè tɔgmong. Nube kuwe karé bere luk-luk á è Ngar dè ngarge a, è Kuwe-ɓee le kuwe-ɓeege a tɔ.

2 Timothee 2:4

Njèrɔ ke rara ke aw ke loo rɔ’t nga à ndɔje ra’n tede nyange ke rang ke è inye goon’t gugu nga lé ta. Titeke bè á à taa’n kum kuwe’n ke njèkan dè njérɔge.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 11:7

Loo ke njékɔrgo tàge le’m ke joo nè nga à ɔri son le kule le de njêt ɓá ɓaa, dan-ton à unde loo tee kem̂ bolè ke son’n goto’t, le kile rɔ dè de’t. Dan-ton nè nga à tête de rɔ a, à tɔl de a tɔ.

Lookilera’n 16:14

Ndilge ke majelé nè nga ei ngann njékulege le ndilge ke yêr ke njé ra nyankɔbege gai-gai. Taɓai ei awi ra ngar-ɓeege ke dè nang nè bere mbak, ɔsi nja de nan’t tede ngine’n ndɔ rɔ ke bò le Nube ke njètɔgmong.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.