Lookilera’n 16:8 - Nouveau Testament en Gulay 2004

⁸ Doo ke danrán ke njèkon’t sɔ unn nyantosowur ke kem̂ bai wong’t le’n ɓêngle dè kàde’t gangang. D’inye loo d’ade’n le kade ró dooge se por rák-rák.

Lookilera’n 16:8 ပူးပေါင်းရင်းမြစ်များ

Matthieu 13:6

Nè loo ke kàde ɔse ramam ɓaa, ko ke ube nga ndolè ade tutu ngarr a tɔ, tede ngire’n aw nang ngain lé.

Tà ke Maje ke Luc ndang 21:25

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ.

Nyanra Njekawkulege 2:20

Kàde à tel ndul ndin-ndin a, nan à tel mese a tɔ, kété ɓita ndɔ gangtà le Kuwe-ɓee à ree bai. Ndɔ nè nga, è ndɔ ndubra ke bò ngain.

Lookilera’n 14:18

Doo ke danrán karé ke rang ke aw se tɔgmong dè por’t unde loo tee pitring dè ɗinger loo nyankuje-mese’t. E tam tà se ndu’n ke bòi beng ede made’n ke uwe ngɔrong ke ate pem̂ jinn’t nga ede nè: «Ile ngɔrong lei ke ate pem̂ non nang lêr uje’n kul nduu ke dè nang nè ɗap i gang, tede kul’n nga ɔɔ ɓá.»

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.

Lookilera’n 7:16

Dé nè nga, ɓo se kunde mann à teli rai de gugu ndan lé a, kàde à tel kɔse de gugu ndan lé a, loo à tel nunge de gugu ndan lé a tɔ.

Lookilera’n 8:12

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 9:2

Kɔnyon nè nga teen tà bolè ke son’n goto. Ke loon’t nè kuwe, sà tee kem̂é tukuk-tukuk tite sà por mbo-bò bè. Sa tee utu kum loo ke dɔ lêt ade kàde tel tuge ndul bigm.