Lookilera’n 16:18 - Nouveau Testament en Gulay 2004

¹⁸ Ke loon’t nè kuwe, ndi têl a, ndu doo ɓar beng-beng a, nang unn gir yei ɓuk-ɓuk a tɔ. Unn gir mari ke doo ndii’n dè nang nè nga, nang yei ɓuk-ɓuk tite è ke nè nja karé lé ɓai!

Lookilera’n 16:18 ပူးပေါင်းရင်းမြစ်များ

Matthieu 24:21

Nyantosowurge ke à teei kêm ndɔnge’t nè nga, ei nyange ke teei ndɔ karé lé mari loo kunde gir nang’t sár tee ɓila. Tagar nyantosowurge nè à teei gugu rang ndan lé a tɔ.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.

Lookilera’n 8:5

Doo ke danrán nè nga uge yal por ke dè ɗinger loo nyankuje-mese’t kem̂ bai ró katchatchage’t ade rusu neĵ ɓaa, è lɔke ile piring dè nang nè. Ke loon’t nè kuwe, ndi ndang a, têl a, ndu dooge ɓar wuu-wuu a, nang unn gir yei ɓuk-ɓuk a tɔ.