Lookilera’n 15:2 - Nouveau Testament en Gulay 2004

² Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 15:2 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

1 Pierre 4:12

Kotárge le’m, nyan ke tee dè si’t asenan se por ke on bilm-bilm bè nga, an-in ke nyankɔbe ke tee dè si’t pan lé. E nyan ke tee le nan kundekem̂ le si.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 13:1

Taɓai m’an dan karé ke rang unde loo tee dann ba-bò kate’t. Dan nè nga ube gajennge dɔg a, dènnge ei ji sejimute a tɔ. E tule jɔkɔ ke ndoin asenan se kɔnyon tu gajennge’t karé-karé malang. Rige ke dé ndang tu dènnge’t karé-karé malang nga ei rige ke ɔje dè tam tà ke majelé se Nube.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 13:17

Doo karé bè géa, ke nè á d’ɔse nyankorji éké ri dan éké kɔr nyan ke aw nan’t se ri dan nè nga rann’t lé ɓaa, è ase ndogo éké kige nyan ndan lé.

Lookilera’n 21:18

Geng-bɔr le ɓee-bò nè nga, d’unde se her Jaspe ke ɓal ke ker se ke ndul turuk-turuk a, ker ke yede mann sinde a tɔ. Loo ke kem̂ ɓee-bò nè nga ndolé kein-kein tite nar-ɔr ke deri a, ndolé kein-kein tite mede-kɔtche bè a tɔ.

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.