Lookilera’n 15:1 - Nouveau Testament en Gulay 2004

¹ Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 15:1 ပူးပေါင်းရင်းမြစ်များ

Lookilera’n 10:3

E ra nyan se ndu’n ke bòi beng asenan se toboi ke uje rɔ bè. Loo ke doo nè ra nyan se ndu’n ke bòi beng ɓaa, ndi ndang pain-pain nja ji sejimute.

Lookilera’n 11:14

Nyantosowur ke njèkon’t joo nga tuge gang ɓá. An-in! è ke njèkon’t mute à ree ngɔr.

Lookilera’n 14:10

è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.

Lookilera’n 14:19

Doo ke danrán nga ile ngɔrong le’n lêr nang uje’n kul nduu ɗap gang ile kem̂ rebe mboré mann nduu wong ke bò le Nube nga.

Lookilera’n 16:1

Taɓai, m’oo ndu doo in gile kei ke tò se ninn’n le Nube ɓar beng ede dooge ke danrán ke ji sejimute ede nè: «Otoi nyantosowurge ke kem̂ bai wong-ge ke ji sejimute le Nube nga awi ɓênglei dè nang nè.»

Lookilera’n 17:1

Taɓai, doo ke danrán karé dann madennge ke ji sejimute ke ndai se bai nyantosowurge ke ji sejimute ji de’t nga ree ede’m ede nè: «I ree ade m’edi tà ke d’ade gang dè ɓee-bò ke tò tà ba-bòge’t. Ɓee-bò nè ra ra’n ke kaiya-dinye.

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»

Lookilera’n 8:13

M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.

Lookilera’n 8:6

Dooge ke danrán ke ji sejimute ke d’ade de burunjuge ji sejimute ji de’t karé-karé nga, uwei dè nja ra de le kɔli burunju.

Lookilera’n 9:20

Gute dooge malang ke por se sà por a, se nyan karé ke ker jengleng tɔl de lé nga mbati turi hal de. Ei ɗɔyi ndilge ke majelé a, se mage polége ke asi kan-in loo éké kooi tà éké njiyei lé a tɔ. Mage polége nè nga, è dé dooge nè kuwe á dé leen de se nar-ɔr, se nar-nda, se ninge-kase éké se mbal éké se kagege ke dé tɔl a tɔ.