Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lookilera’n 14:4 - Nouveau Testament en Gulay 2004

4 Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.

အခန်းကိုကြည့်ပါ။ ကော်ပီ




Lookilera’n 14:4
32 ပူးပေါင်းရင်းမြစ်များ  

Gir nyange ke ade dingemge ke nange asikum taai dinye lé tò loo bule. Njé ke nange è kuju ke in-in kêm kon dege’t a, njé ke nange ɓaa è dooge á ɔri de kuju a, dooge ke nange tɔ ɓaa è ei kuwe á teli ra de ke kuju tede Konɓee ke danrán a tɔ. Nanan ke asekum taa tà nè nga ɓaa, maje kade taa.


Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.


Njèkɔrgir gute-ndu karé bè ree ra Jésu’t ede’n ede nè: – Njèndó dooge nyan, loo malang ke a aw tutu nga, m’a m’unn gooi têr-têr.


Batege le’m nga uri mbi de ooi ndu’m. Man m’ger de mbak, à umi nan goom’t a tɔ.


Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.


Pierre tel deje Jésu ede nè: – Ké m’a m’ase k’unn rebe gooi’t ɗarinè lé tede ri wa? Ma m’ile ra’m kɔke tede lei.


Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.


Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.


Ngakonmge, sei geri tite Stéphanas se njékêmkei le’n, ei kuwe ei njétaakêm-Kristge ke desêin kêm ɓeekon ke Achaie bere mbak. Taɓai, sei geri mbak titeke ulei ra de bàj dann kule ke ɔje dè ra se njétaakêm-Kristge.


tede Nube ndogo sei se nar ke ngain ji ɓer’t le kaiya ade i ndii dè si pal ta. Gir’n ke nè á umi ra si ke nyan kile riɓar dè Nube’t.


Nè né è bè géa, ke nè á i taa dinye ɓaa, è majelé á i ra lé. I ngomande ke nal ger dingem ɓai nga, ke nè á i taa ngaw ɓaa, è majelé á i ra lé tɔ. Nè njé ke taai nan nga à ingei nyantosowur se ndɔge malang. Gir’n ke nè á m’ndige le kute’n nyantosowurge nè nga dè si’t kɔke.


M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.


Ndil-Kem̂nda ke Nube ade jèi nga, è tàpitem nyan-ndube ke è unde konn tede le kosdooge le’n. J’a j’ingei nyange ke Nube unde konn nè nga bere mbak ndɔ ke j’à j’ɔri dè jéi gir tɔgmong’t le ɓer. Adi j’ɔsi pa j’ulei ndubra dè Nube’t a tɔ.


E ra titeke bè le kade njékebe nange le Nube ndai tàkumn’t dann ndubra’t se ra’n ke ndolé kein-kein anje kɔr-ɓal éké anje kum kule a tɔ. Krist ndige le kade njékebe nange le Nube tooi se ninn de gai, le kade tà karé uwe dè de lé a tɔ.


Dé nè nga d’ɔge dooge taa nan a, d’ede de le kade ɔgi ra de dè nyankusege ke nange a tɔ. Nè nyankusege nè nga è Nube á unde le kade njétaakem̂-Kristge ke geri ngarankum tà usei rai nin oiyo.


Sei reei ra njékebe nange le Nube ke ei ngann dernge ke d’unde ri de kem̂ Konɓee ke danrán’t. Sei reei ra Nube ke njègangtà dè dooge’t malang a, se dè njé ra nyan se dè najennge ke ɔri son kule le de njêt ɓita weii ɓai a tɔ.


E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.


Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.


D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»


M’an kei ke tò se ninn’n le Nube kem̂ ɓee-bò’t nè nga lé, tede Nube ke njè tɔgmong a, Ngonn Bate a tɔ nga kuwe á ei kei ke tò se ninn’n le Nube.


Ɓee-bò nè nga aw ndoo kàde éké nan ke nyan-ndogó le’n lé. Nè Nube kuwe è nyan-ndogó le’n a, Ngonn bate á è lampe le’n a tɔ.


Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.


Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ