Lookilera’n 14:15 - Nouveau Testament en Gulay 2004

¹⁵ Taɓai doo ke danrán karé ke rang unde loo pitring tee kem̂ kei ke tò se ninn’n. E tam tà se ndu’n ke bòi beng ede doo ke ndi dann kil ndi’t ede nè: «Ile ngɔrong lei nang lêr-lêr uje’n ko, tede ko ke dè nang nè nga tutu ɓá a, nan sà’n tee ɓá a tɔ.»

Lookilera’n 14:15 ပူးပေါင်းရင်းမြစ်များ

Matthieu 13:30

Inyei de adi d’oje nan’t joo mbak sár ndɔ sa ko’t. Kêm ndɔn’t nè ɓita, man kuwe m’a m’ede njésa koge kede nè: I rein-in jer, i tɔi ɗàp-ɗàp le ró pa ɓita ɔsi nja ko nan’t umi damé le’m ɓai.»

Matthieu 13:39

Njèban ke njèdubu jer nga, è sú. Nan sa ko è ndɔ ke ngeinn’t. Njé sa koge nga ei dooge ke danrán.

Matthieu 23:32

Nyan ke kà sige ɔji rai kété nga, sei tɔli tà’n mbas ɓá ta.

Marc 4:29

Loo ke ko ide ɓá ɓaa, è ule njékuje koge se kuye ade awi ujei ko tede è nan sa ko ta.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 13:12

Dan ke unde loo tee ɗarinè nga aw se tɔgmong le ra’n nyange tàkum dan ke desêin’t. E ra ade nang nè se dooge bere ke ndii tutu ulei dè de nang non dan ke kété d’ade’n dò á ide ndarr nè nga, ɗɔyi nin.

Lookilera’n 14:14

Loo ke m’unn kum’m ke dɔ ɓaa, m’an kil ndi ke nda káng-káng. Doo karé ke tanan se Ngonn doo ndi dann kil’t le ndi nè nga. E ule jɔkɔ ke ra se nar-ɔr dènn’t, uwe ngɔrong ke ate pem̂ jinn’t a tɔ.

Lookilera’n 14:16

Doo ke ndi dann kil ndi’t nga ile ngɔrong le’n lêr dè nang nè, uje’n ko.

Lookilera’n 14:17

Doo ke danrán karé ke rang unde loo tee gile kei le Nube ke tò se ninn’n danrán. E nga géa uwe ngɔrong ke ate pem̂ jinn’t tɔ.

Lookilera’n 14:18

Doo ke danrán karé ke rang ke aw se tɔgmong dè por’t unde loo tee pitring dè ɗinger loo nyankuje-mese’t. E tam tà se ndu’n ke bòi beng ede made’n ke uwe ngɔrong ke ate pem̂ jinn’t nga ede nè: «Ile ngɔrong lei ke ate pem̂ non nang lêr uje’n kul nduu ke dè nang nè ɗap i gang, tede kul’n nga ɔɔ ɓá.»

Lookilera’n 15:6

M’an dooge ke danrán ji sejimute uwei nyantosowurge ji sejimute ji de’t, undei loo teei gile kei’t le Nube ke tò se ninn’n nga. Dooge ke danrán nè nga tulei kubu ke nda ke unju nyang-nyang ndai. Taɓai, ei tɔi kàde de se ndar ke dé ra se nar-ɔr njanm-njanm.

Lookilera’n 16:17

Doo ke danrán ke njèkon madennge’t ji sejimute uwe nyantosowurge ke kem̂ bai wong’t le’n sanrin ke dɔ. Ndu doo in se ke dè kutu-ngar’t ɓar beng gile kei ke tò se ninn’n le Nube ede nè: «Girtà gang ɓá ta.»

Lookilera’n 6:10

Dooge nè nga tami tà se ndu de ke bòi beng edi nè: «Kuwe-ɓee, i i doo ke get ke i tò se ninni gai. Dooge ke ndii dè nang nè nga, ké a i tile mbɔr sár ndɔ ke ra a i gangtà dè de’t wa? Ké ndɔ ke ra a i deje tà dè tɔl ke ndɔ ke ei tɔli jè nga wa?»