Lookilera’n 14:14 - Nouveau Testament en Gulay 2004

¹⁴ Loo ke m’unn kum’m ke dɔ ɓaa, m’an kil ndi ke nda káng-káng. Doo karé ke tanan se Ngonn doo ndi dann kil’t le ndi nè nga. E ule jɔkɔ ke ra se nar-ɔr dènn’t, uwe ngɔrong ke ate pem̂ jinn’t a tɔ.

Lookilera’n 14:14 ပူးပေါင်းရင်းမြစ်များ

Matthieu 13:30

Inyei de adi d’oje nan’t joo mbak sár ndɔ sa ko’t. Kêm ndɔn’t nè ɓita, man kuwe m’a m’ede njésa koge kede nè: I rein-in jer, i tɔi ɗàp-ɗàp le ró pa ɓita ɔsi nja ko nan’t umi damé le’m ɓai.»

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Marc 4:29

Loo ke ko ide ɓá ɓaa, è ule njékuje koge se kuye ade awi ujei ko tede è nan sa ko ta.

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

Lookilera’n 1:13

Dadann lampege’t nè nga, m’an doo karé bè ke tanan se Ngonn doo. Doo nè nga ule kubu ke ngal ɔr gide nja’n nang ndêt-ndêt. E dɔ kàde’n se ndar ke ndoin kein-kein tite ɔr bè.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 10:1

Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.

Lookilera’n 11:17

ei ɗɔyi nin edi nè: «I Kuwe-ɓee Nube ke njè tɔgmong ke i ndi tutu kété mari sár tee ɗarinè. Jè rai oiyo ngain tede i kuwe uwe tɔgi ba a, tede kunn ke i unn gir konɓee a tɔ.

Lookilera’n 19:12

Kum’n on por njoi-njoi asenan se por bilm-bilm bè. Jɔkɔ tête rɔ bule tò dènn’t a tɔ. Dé ndang ri ke doo karé bè géa ger lé dènn’t. Ri nè nga è kuwe se kar’n á ger.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 6:2

Go’t gugu, m’an sinde-gaglam. Doo ke al dè sinde’t nè nga uwe ngɔndong jinn’t. Doo nè nga d’ade’n jɔkɔ gon rɔ. E gon rɔ ke aw tede le tête rɔ.