Lookilera’n 14:13 - Nouveau Testament en Gulay 2004

¹³ Go’t gugu ɓaa, m’oo ndu doo ɓar danrán ede nè: «I ndang tà nè: njé ke umi nan’t bɔk se Kuwe-ɓee á weii nga, ɗarinè ndii dann ranel’t ta.» Ndil tam ede nè: «Oiyo, maje kade dé taa kebe dè kule ra ndibe loo kulege’t le de kerɔte kuwe, tede kule nyanra de ke maje nga à utu go de.»

Lookilera’n 14:13 ပူးပေါင်းရင်းမြစ်များ

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

Tà ke Maje ke Luc ndang 16:9

Jésu tel ede de ede nè: – Man m’ede sei, nar ke get lé ke tò ji si’t nga uwei made nan se dooge. Titeke bè á loo ke gir nar nè à gang ɗás ji si’t ɓaa, Nube à uwe sei ke rann’t loo ndi ke à tò se non.

Nje Ke Rome 14:8

Ke nè á jè ndii kumgajer ɓaa, jè ndii kumgajer tede le Kuwe-ɓee. Ke nè á j’weii ɓaa, j’weii tede le Kuwe-ɓee tɔ. Ke nè á jè ndii kumgajer éké j’weii géa, jèi le Kuwe-ɓee.

1 Nje Ke Corinthe 15:18

Ke né á è bè ɓaa, njé ke umi nan’t bɔk se Krist ɓita weii nga, ei dooge ke tuji kɔke ɓá ta.

1 Nje Ke Corinthe 15:20

Kerɔte kuwe, ɗarinè Krist unde loo tee dann njé ke koo’t. Krist è doo ke desêin ke unde loo tee dann njé ke koo’t tede kade dooge ke weii undei loo teei dann njé ke koo’t tɔ.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

2 Nje Ke Corinthe 5:8

Jè nda kêm jé káng ade j’an titeke kinye danra kaw ndi ra Kuwe-ɓee’t nga è soo’t ngain.

Nje Ke Philippes 2:17

Ké nè á d’ayé kile mese’m nang ke nyankuje-mese dè made’t ɓai tede kundekem̂ le si géa, m’ra ranel se si nan’t malang.

1 Nje Ke Thessalonique 4:14

Jésu wei a, è unde loo tee dann njé ke koo’t a tɔ. Njé ke undei kem̂ de dènn’t á weii nga, jè j’unde kem̂ jé tchên titeke Nube à ade undei loo teei dann njé ke koo’t le teli ndii kumgajer takul’n.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

1 Nje Ke Thessalonique 5:10

Jésu-Krist wei tede jéi, tede kade ke nè á jè ndii kumgajer éké j’weii géa j’umi se’n nan’t bɔk.

1 Timothee 5:24

Kaiya ra dooge ke nange tò nata ndái-ndái kété pa ɓita dé gangtà dè de’t ɓai. Nè njé ke nange ɓaa, majelége le de tooi sár ɓita kilei ra de ke nata ɓai.

1 Timothee 5:25

Kule rage ke maje nga géa tooi nata ndái-ndái tɔ. Kule rage ke majelé nga asikum ɓɔyɔi ra de sár-sár ndan lé a tɔ.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 10:4

Loo ke ndi ndang titeke bè ɓaa, m’ayé kunn gir ndang nyan. Nè loon’t nè kuwe, m’oo ndu doo ɓar danrán ede nè: «Ndi ke ndang nja ji sejimute nè nga, ade tà’n tò loo ɓɔyɔn’t jêke^ m i ndang kem̂ magtub’t lé ɓanm.»

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 16:17

Doo ke danrán ke njèkon madennge’t ji sejimute uwe nyantosowurge ke kem̂ bai wong’t le’n sanrin ke dɔ. Ndu doo in se ke dè kutu-ngar’t ɓar beng gile kei ke tò se ninn’n le Nube ede nè: «Girtà gang ɓá ta.»

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 2:1

Doo ke m’an’n nga, ede’m ede nè: «I ndang magtub ade doo ke danrán ke njèkan dè njékebe nange le Nube ke kem̂ ɓee-bò ke Ephèse. E ke njè kuwe kɔnyonge ke ji sejimute jikonn’t rige’n dadann lampege ke ra se nar-ɔr nga tam ede nè:

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 20:6

Njé ke tooi se ninn de ke undei loo teei desêin dann njé ke koo’t nga, ra de à nel de. Yo ke joo à on ɓee dè de’t ndan lé ta. D’a dé njékuje nyan-mesege le Nube a, se le Krist a tɔ. D’a d’on ɓee se Krist nan’t loge aru dɔg.

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Lookilera’n 6:11

Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.