Lookilera’n 14:10 - Nouveau Testament en Gulay 2004

¹⁰ è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.

Lookilera’n 14:10 ပူးပေါင်းရင်းမြစ်များ

Matthieu 20:22

Jésu tel ile de dè’t ede nè: – Nyan ke sei i deji nga, i geri loo’n lé. Nyantosowur ke Nube à ade ra’m nga, ké a asi kade rai sei se’m tɔ wa? Dé tel d’ile Jésu dè’t d’ede nè: – Oiyo, j’à j’ase kade ra jè sei kuwe. Jésu tel ile de dè’t ede nè:

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 26:39

Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Marc 9:44

E loo ke kodége ke tooi tutu weii ndan lé a, por ke tutu wei ndan lé a tɔ.]

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 15:7

Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ.

Lookilera’n 16:19

Ɓee-bò nga kai ra’n danné loo mute. Ɓee-bòge ke dè ɓeege ke rang malang nga géa, tosoi tuji a tɔ. Kem̂ Nube olé dè kaiyage’t le ɓee-bò ke Babylone. Nube ade’n nyantosowur ke kem̂ bai yibe nduu wong’t le’n an-in.

Lookilera’n 18:3

E ade girkoje dooge se dè ɓee-dè ɓee an-in yibe nduu wong tò se nan ke kaiya’t le’n. Ngar-ɓeege ke dè nang nè géa tooi se ɓee-bò nè nga ke kaiya’t. Njé ra gatege ke dè nang nè nga géa ubei maje nyankinge takul nyan maje le’n ke mbirin-mbin.»

Lookilera’n 18:6

I rai n’ee titeke ndɔ ke n’rai sei bè tɔ. Nyan ke ndɔ ke ɓee-bò nè ra se si nga i rai se’n guté nja joo. Nyankain mann ke ndɔ ke n’nim yibe nduu kem̂é n’ade an-in nga, i nimi yibe nduu ke ate karar tutu nja joo adi n’an-in tɔ.

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»