Lookilera’n 14:1 - Nouveau Testament en Gulay 2004

¹ M’an loo gerer ɓaa, m’an Ngonn bate nda dè mbal ke ɓee-bò ke Sion. Dooge le’n ke aru dɔg loo aru se kɔr-sɔ-gidé-sɔ ei se’n nan’t. Dé ndang ri Ngonn bate se ri Bɔ’n nat-non de’t.

Lookilera’n 14:1 ပူးပေါင်းရင်းမြစ်များ

Tà ke Maje ke Luc ndang 12:8

Man m’ede sei ndàt, nanan ke tam ndàt tàkum dooge’t ede nè n’ee le’m ɓaa, man ke m’ee Ngonn doo nga géa, m’a m’tam ndàt tàkum dooge ke danrán le Nube titeke doo nè nga è le’m man kuwe tɔ.

Nje Ke Rome 9:33

Titeke dé ndang’n kêm Magtub’t le Nube d’ede nè: «An-in! m’a m’unde kuberi her kêm ɓee-bò ke Sion kade tuge de ade d’aw tebel-tebel a, m’a m’unde kuberi mbal kade tuge de ade d’oso a tɔ. Nè doo unde kêm’n dè kuberi mbal’t nè ɓaa à ndi dann rasɔl’t lé.»

Lookilera’n 14:14

Loo ke m’unn kum’m ke dɔ ɓaa, m’an kil ndi ke nda káng-káng. Doo karé ke tanan se Ngonn doo ndi dann kil’t le ndi nè nga. E ule jɔkɔ ke ra se nar-ɔr dènn’t, uwe ngɔrong ke ate pem̂ jinn’t a tɔ.

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 15:5

Go nyange’t nè nga, m’an gile kei kubu le Nube ke tò se ninn’n danrán teen tà’n. Sanduk mann-ra le Nube tò kem̂é.

Lookilera’n 22:4

Ɓer kulege le Nube à an-in nin se kum de a, ri’n à tò nat-non de’t a tɔ.

Lookilera’n 3:12

Doo ke tête rɔ ɓaa, m’a m’ade à è kage ngaw gile kei ke tò se ninn’n le Nube le’m. M’a m’ade à tel kunde loo tee nata gile kei’t nè nga ndan lé. M’a m’ndang ri Nube le’m se ri ɓee-bò le Nube le’m dènn’t a tɔ. Ɓee-bò nè nga è Jérusalem ke kige ke in danrán ra Nube’t le’m. Doo ke tête rɔ ɓaa, m’a m’ndang ri’m ke kige dènn’t a tɔ.

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.