Lookilera’n 13:6 - Nouveau Testament en Gulay 2004

⁶ E unn gir tam tàge ke majelé se Nube. E taje ri Nube a, loo ndi’n a tɔ. Dan nè nga taje dooge ke ndii danrán a tɔ.

Lookilera’n 13:6 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 15:19

Tàgirge ke majelé, tɔl doo, sang dinye le doo, tò se nan ke kaiya’t, mêndé nyan, tête tà kunde tà doo’t, taje ndu a tɔ nga, in-in dè ɓengre doo’t.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Nje Ke Rome 3:13

Kul-kunge de è be-ɓade ke tò wei, ndon de è nyan sú dooge, keng pir tò gir ndon de’t.

Nje Ke Colosses 1:19

Nube ndige kum nan’t bɔk-bɔk se Ngonn’n.

Nje Ke Colosses 2:9

Nube urkei kem̂ Krist’t a, taa ra’n pel-pel a tɔ.

Hebreuge 9:2

Kété mari dé ra kei kubu. Dé gang kem̂’n se tà kubuge danné loo joo. Kem̂’n ke desêin, dé ɓar’n gile kei ke tò se ninn’n. E loo ke d’unde’n kage nan lampe se table tunde ngurwalge tutu.

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.

Lookilera’n 11:12

Njéribe-dè-tàge le Nube ke joo nè nga ooi ndu doo ɓar danrán beng ede nè: «Ali ke dɔ laa.» Ke loon’t nè kuwe d’in d’al dɔ dann bum’t d’aw danrán. Njébange le de malang an-in de sikm.

Lookilera’n 12:12

Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»

Lookilera’n 15:5

Go nyange’t nè nga, m’an gile kei kubu le Nube ke tò se ninn’n danrán teen tà’n. Sanduk mann-ra le Nube tò kem̂é.

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 21:3

M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 5:13

Go’t gugu, m’oo ndu nyankundege malang ke danrán se ke dè nang nè, ke gir nang’t se nyankundege ke dè ba-bò’t se nyankundege malang ke Nube unde de ɔsi pa edi nè: «E ke njè ndi kutu-ngar’t a, Ngonn bate a tɔ nga, maje kade ɗɔi se riɓar, ndubra se tɔgmong ei le’n kuwe sár se non.»

Lookilera’n 7:15

Gir’n ke nè á dé nda’n non kutu-ngar’t le Nube, dé ɗɔi’n kada a, ndɔ a, gile kei’t le’n ke tò se ninn’n gai. E ke ndi kutu-ngar’t à ra kei kubu dè de’t.

Lookilera’n 7:9

Go nyange nè nga, m’an loo gerer ɓaa, m’an kosdooge ke se dè ɓee-ɓee bulei ɗik-ɗik ade doo asekum mbɔje de lé ndai girm. Dooge nè nga in-in dann girkoje dooge ke se dè ɓee-ɓee a, se dann girkoje le dooge malang ke dè dè nang nè ke tà tam de è gai-gai a, se kosdooge malang a tɔ. Dooge nè nga tulei kubuge ke nda ke bòi ɔr gide nja de nang ndêt-ndêt. Taɓai uwei mbi mar ji de’t ndai se nja de dɔ non kutu-ngar’t se non Ngonn bate’t.