Lookilera’n 13:3 - Nouveau Testament en Gulay 2004

³ Dan nè nga d’ade’n dò ke ase yo’n dè’n karé’t. Nè dò nè nga ide ndarr. Dooge ke dè nang nè bere mbak nga, ndil de tee an-in soin-soin ade umi goon’t.

Lookilera’n 13:3 ပူးပေါင်းရင်းမြစ်များ

Tà ke Maje ke Luc ndang 2:1

Kêm ɓaln’t nè nga, César Auguste, ngar ke bò ke ɓeekon ke Rome unn ndu’n le kade d’unde ri dooge karé-karé malang kêm magtub tute kɔr dooge’t.

Jean 12:19

Pharisienge edi nan ede nè: – An-in! nyan karé bè ke soo jéi’t goto ta tede dooge malang ndɔmin nan goyé’t ɓá ta.

Nyanra Njekawkulege 8:13

Simon nga géa unde kêm’n dè tà’t le Philippe tɔ. Loo ke d’ule’n manné njonm ɓá ɓaa, è liger go Philippe’t lagr-lagr. Ndil’n tee an-in soin-soin dè nyan-tɔjege se nyankɔbege ke bòii ke Philippe ra ade an se kum’n.

Lookilera’n 13:12

Dan ke unde loo tee ɗarinè nga aw se tɔgmong le ra’n nyange tàkum dan ke desêin’t. E ra ade nang nè se dooge bere ke ndii tutu ulei dè de nang non dan ke kété d’ade’n dò á ide ndarr nè nga, ɗɔyi nin.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 17:10

Ngar-ɓeege ke ji sejimute nga, dé sure njé ke mige d’ile de ɓá ta. Nè è ke karé ke njèkon de’t mute-mute ndi on ɓee a, è karé ke rang ndi à ree ɓai a tɔ.

Lookilera’n 17:11

Dan ke tò tutu kété mari á ɗarinè goto njêl nga, è kuwe è ngar-ɓee ke njèkon’t sɔ-sɔ. E géa è dann dange ke ji sejimute’t nè nga tɔ. E ɔte aw loo tuju’t nga.

Lookilera’n 17:13

Ngar-ɓeege ke dɔg nè nga, tel se tɔgmong se dèmong le de kade dan kuwe karé bere á è tàgir le de.

Lookilera’n 17:17

Nube kuwe à ule tàgir le’n dè ɓengre de’t tede kade dé ra’n nyan se go kem̂ndige le’n. E ade d’um tà le de nan’t karé, dé tel se konɓee le de kade dan sár kade tàge le Nube aw’n loon’t deĵ.

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.