Lookilera’n 13:2 - Nouveau Testament en Gulay 2004

² Dan ke m’an’n nga tanan se kak. Nè nja’n ɓaa tanan se nja dan ke ri’n nè «Ours» a, tà’n tanan se tà toboi a tɔ. Dan-kɔbe ade dan nè nga tɔgmong le’n se kutu-ngar le’n a, se dèmong le’n ke bò a tɔ.

Lookilera’n 13:2 ပူးပေါင်းရင်းမြစ်များ

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 12:13

Loo ke dan-kɔbe an titeke dé sure’n d’ile’n nata dè nang nè ɓaa, è unn gir rɔ go dinye ke ndɔ ke oje ngonn ke dingem nga par-par.

Lookilera’n 12:15

Li nga ubu mann tà’n go dinye’t pur-pur ade tel tò tite mann ba bè. E ndige le kade mann tà’n ke ubu nga uwe dinye nè aw se’n kɔke.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:12

Dan ke unde loo tee ɗarinè nga aw se tɔgmong le ra’n nyange tàkum dan ke desêin’t. E ra ade nang nè se dooge bere ke ndii tutu ulei dè de nang non dan ke kété d’ade’n dò á ide ndarr nè nga, ɗɔyi nin.

Lookilera’n 13:4

Dooge malang ulei dè de nang non dan-kɔbe’t ɗɔyi nin tede tɔgmong le’n ke tel’n ade dan nè nga. Dooge ulei dè de nang non dan’t nè nga ɗɔyi nin edi nè: «Ké nan á tɔg’n asenan se le dan nè nga wa? Ké nan asekum rɔ se’n wa?»

Lookilera’n 16:10

Doo ke danrán ke njèkon’t mi uwe nyantosowur ke kem̂ bai wong’t le’n ɓêngle dè kutu-ngar’t le dan. Tilkus sebe ràp-ràp dè ɓeekon’t le dan nè nga. Nyantosowur ra dooge ade ton-in tà de vbat-vbat.

Lookilera’n 17:12

Gaje dan ke dɔg ke i an nga, ei ngar-ɓeege ke dɔg. Dé nè nga d’on ɓee lé ɓai, nè d’ade de tɔgmong asenan se ngar-ɓeege bè, tede kade d’on’n ɓee nan’t kum kàde karé se dan.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.