Lookilera’n 13:17 - Nouveau Testament en Gulay 2004

¹⁷ Doo karé bè géa, ke nè á d’ɔse nyankorji éké ri dan éké kɔr nyan ke aw nan’t se ri dan nè nga rann’t lé ɓaa, è ase ndogo éké kige nyan ndan lé.

Lookilera’n 13:17 ပူးပေါင်းရင်းမြစ်များ

Nje Ke Galatie 6:17

Unn gir’n ɗarinè, maje kade doo karé bè ndɔje’m lé ta, tede sire dò le Krist tò ram’t laa.

Lookilera’n 13:16

Dan ke njèkon’t joo nè ɔse dooge malang, ngannge se njé ke tɔgege, bawge se njéndooge, ɓerge se dooge ke ndii dè de pal, ade dé tɔse nyankorji jikon de’t se nat-non de’t.

Lookilera’n 13:18

Doo ke njèkumkunju ɓaa à ter gir nyan nè nga. Doo ke njègos nyanger ɓaa à mbɔje kɔr nyan ke ɔje dè dan nè nga. Kɔr nyan ke ɔje dan nga, è aru mute-mute se kɔr-mute-mute gidé-mute-mute.

Lookilera’n 14:11

Dooge malang ke ulei dè de nang ɗɔyi dan nè nga éké nyan ke dé tɔl dé ndaje’n dan nè, éké nanan ke d’ɔse nyankorji se ri dan nè nga rann’t ɓaa, loo taa kebe le de à goto. Sà nyantosowur ke ra de nga ube ngɔk-ngɔk se ɓal-ɓal ndɔɔ a, kada a tɔ.»

Lookilera’n 14:9

Doo ke danrán ke njèkon’t mute ndolè go madennge. E tam ndàt se ndu’n ke bòi beng ede nè: «Ke nè á doo karé ule dè’n nang ɗɔi’n dan nè éké nyan ke dé tɔl dé ndaje’n dan nè nga, éké inge nyankorji nat-nonn’t éké da-jinn’t ɓaa,

Lookilera’n 15:2

Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 17:5

Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 22:4

Ɓer kulege le Nube à an-in nin se kum de a, ri’n à tò nat-non de’t a tɔ.

Lookilera’n 3:12

Doo ke tête rɔ ɓaa, m’a m’ade à è kage ngaw gile kei ke tò se ninn’n le Nube le’m. M’a m’ade à tel kunde loo tee nata gile kei’t nè nga ndan lé. M’a m’ndang ri Nube le’m se ri ɓee-bò le Nube le’m dènn’t a tɔ. Ɓee-bò nè nga è Jérusalem ke kige ke in danrán ra Nube’t le’m. Doo ke tête rɔ ɓaa, m’a m’ndang ri’m ke kige dènn’t a tɔ.

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»