Lookilera’n 13:16 - Nouveau Testament en Gulay 2004

¹⁶ Dan ke njèkon’t joo nè ɔse dooge malang, ngannge se njé ke tɔgege, bawge se njéndooge, ɓerge se dooge ke ndii dè de pal, ade dé tɔse nyankorji jikon de’t se nat-non de’t.

Lookilera’n 13:16 ပူးပေါင်းရင်းမြစ်များ

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Galatie 6:17

Unn gir’n ɗarinè, maje kade doo karé bè ndɔje’m lé ta, tede sire dò le Krist tò ram’t laa.

Nje Ke Ephese 6:8

Sei geri mbak, ɓer éké doo ke ndi dè’n pal nga, nanan géa Nube à uge dè ji’n se go kule ra’n ke maje.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

2 Timothee 3:8

Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.

Lookilera’n 11:18

Girkoje dooge ke se dè ɓee-dè ɓee adi wong ra de, nè ɗarinè wong ke lei in sei tɔ ta. Ɓila è ndɔ gangtà dè njé ke koo’t. Ndɔ kuge dè ji ɓer kulege lei ke ei njéribe-dè-tàge lei nga ase ɓila ta. Dooge ke bòi se njé ke ngannge ke ei leige a, ke ilei koje dèi’t a tɔ nga, ndɔ kuge dè ji de ase ɓila ɓá ta. Dooge ke njé nuju dè nang nè nga géa, ndɔ kade i tuju de ase deĵ ɓá a tɔ.»

Lookilera’n 15:2

Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 19:18

I reei tede kade usei danra ngar-ɓeege se njékan dè njérɔge, njé tɔgmong-ge se sinde-rɔge a, se njé kal dege a tɔ. I reei usei danra dooge malang, njé ndii dè de palge se ɓerge, se ngann dooge a, se dooge ke tɔge a tɔ.»

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 19:5

Ndu doo ɓar se ke dè kutu-ngar’t ede nè: «Sei ɓer kulege le Nube le jéi malang, sei ngannge se dooge ke tɔgege ke i ɓeli ndil’n nga, ɔsi pa i pitii nin!»

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 6:15

Ngarge se dooge ke ngak-ngak se njékan dè njérɔge ke ngak-ngak se bawge se njé tɔgmong-ge se ɓerge a, se dooge ke ndii dè de pal dè nang nè an-in awi ɓɔyɔi ra de kem̂ bolè mbalge se bolè herge a tɔ.

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»