Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lookilera’n 13:13 - Nouveau Testament en Gulay 2004

13 Dan ke njèkon’t joo nè nga ra nyankɔbe ke bò. Taɓai è ade por in danrán been ree oso nang ade dooge malang an-in se kum de.

အခန်းကိုကြည့်ပါ။ ကော်ပီ




Lookilera’n 13:13
20 ပူးပေါင်းရင်းမြစ်များ  

Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.


Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.


Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.


Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.


Ke nè á doo karé ndige ra se de majelé ɓaa, por à tee tà de’t le ró njébange le de rák-rák. Ke nè á doo karé nan le ra se de majelé ɓaa, gar-gar kum’n a udu titeke bè tɔ.


Ndilge ke majelé nè nga ei ngann njékulege le ndilge ke yêr ke njé ra nyankɔbege gai-gai. Taɓai ei awi ra ngar-ɓeege ke dè nang nè bere mbak, ɔsi nja de nan’t tede ngine’n ndɔ rɔ ke bò le Nube ke njètɔgmong.


Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.


D’unn laa nang nè lát-lát, d’an-in’n dè loo ndi njérɔge le kosdooge le Nube a, se dè ɓee-bò ke Nube tár’n ngain nga king-king a tɔ. Nè ke loon’t nè kuwe, por in danrán ree ró de rák-rák.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ