Lookilera’n 12:9 - Nouveau Testament en Gulay 2004

⁹ Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 12:9 ပူးပေါင်းရင်းမြစ်များ

Matthieu 13:39

Njèban ke njèdubu jer nga, è sú. Nan sa ko è ndɔ ke ngeinn’t. Njé sa koge nga ei dooge ke danrán.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 4:1

Ndil ɔr non Jésu aw se’n kêm dile’t le kade njè sú dooge nan’n.

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Matthieu 4:5

Taɓai sú ɔr Jésu aw se’n Jérusalem, ɓee-bò ke tò se ninn’n, aw unde’n sêm Kei’t le Nube, ede’n ede nè:

Matthieu 4:8

Go’t gugu sú ɔr’n aw se’n dè mbal ke ngal lêng-lêng tɔje’n ɓeekonge malang ke dè nang nè se nyan-majege le de ke mbirin-mbin,

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Tà ke Maje ke Luc ndang 13:16

An! dinye nè nga è ngonnkà Abraham. Nè njèban ade ratur tɔ’n nang njanm-njanm ase ɓal dɔg-gidé-sɔsɔ ɗarinè. Gar-gar man tutu’n kinye’n dɔ. Ké tede k’ee ke è ndɔ taa kebe á kade m’aje’n lé wa?

Tà ke Maje ke Luc ndang 22:3

Njè sú dooge ur kêm Judas’t ke ri tɔy’n nè Iskariot. Judas nga è è ke karé dann njé ke dɔg-gidé-joo’t.

Tà ke Maje ke Luc ndang 22:31

Go’t gugu Jésu ɓar Pierre ede’n ede nè: – Simon, Simon, an! Nube inye loo ade Njè sú dooge le kade yei sei titeke dé yeii’n ko le kɔr’n yinge-dè’n gai bè.

Tà ke Maje ke Luc ndang 8:12

Dooge ke nange tooi asinan se njar ko ke tée toso ngang rebe’t. D’oo Tà ke Maje le Nube kuwe, nè njèban ree ɔr Tà ke Maje nè nga dè ɓengre de’t wont kɔke ɔge de kum kêm de dè’t kaje’n ra de. Dé nè nga, dé tò d’asenan se njar ko ke tée toso dè her’t bè.

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 16:11

Njè ra se si nga à ade kum dooge à gang dè gangtà’t le Nube, tede njèkonɓee ke nang nè nga dé gangtà dènn’t ɓá ta.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

Nje Ke Rome 16:20

Nube ke kêmlom in rann’t à ade sei tɔgmong le kade i dumi dè njèban le si ngɔr ta. Maje kade kêmnoje le Kuwe-ɓee le jéi Jésu nain se si!

2 Nje Ke Corinthe 11:14

E nè nga è nyan ke à ade ndil doo à tee kan-in soin-soin lé, tede Sú kuwe géa tel ra’n ke ngonn le lookar tɔ.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

2 Nje Ke Corinthe 12:7

Nyange ke Nube ribe dè ade’m nga, ei nyange ke dum kum. Gir’n ke nè á ngonn njèkule le Sú ɓer’n konn ram’t tede kɔge’m loo kunde’m kàde’m dè nyange ke tooi loo ɓɔyɔn’t gai ke Nube tɔje’m ade m’an nè nga.

2 Nje Ke Corinthe 2:11

M’ra titeke bè tede kade njèban le jéi Sú inge’n loo libe’n kum jéi lé. Kerɔte kuwe, Sú nga jè geri tàgirge le’n mbak.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

2 Nje Ke Thessalonique 2:3

Adi doo karé libe kum si se nel tàge ke titeke bè nga lé. Gar-gar, kété ɓita kade ndɔ nè tee ɓai nga, dooge à in-in le rɔi se Nube a, doo njè kɔse tà mbeng ke è ngonn le njè tuju à kundei loo teei pa ɓita.

1 Timothee 2:14

E Adam á ade dé sú’n lé, nè è dinye á ade dé sú’n d’ade al’n tà tà Nube’t.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

Hebreuge 2:14

Ngannge ke d’oje de se go danra nga ei dooge ke yo on ɓee dè de’t. Jésu géa ade d’oje’n ke doo made de bè tɔ. E ra tite bè tede le kɔr’n tɔgmong le njè kem̂ majelé ke njè tɔ ko dooge wont kɔke se go kwei le’n.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Jude 1:9

Michel ngar le dooge ke danrán nga, ndɔ ke gaki nan se sú dè ninn njèyo Moise’t. Michel ndige le gangtà dè sú’t lé a, ndige le taje’n lé a tɔ. Nè è ede sú ede nè: «Maje kade Kuwe-ɓee kuwe ndángi.»

Lookilera’n 12:12

Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»

Lookilera’n 12:3

Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.

Lookilera’n 12:7

Rɔ oso kem̂ danran’t tip. Michael se dooge le’n ke danrán rɔi se dan-kɔbe nè ngain. Dan-kɔbe se dooge le’n géa rɔi se de ngain a tɔ.

Lookilera’n 12:8

Nè tɔg dan-kɔbe ase tête rɔ lé. E se dooge le’n nga, loo le de goto danrán ta.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 16:14

Ndilge ke majelé nè nga ei ngann njékulege le ndilge ke yêr ke njé ra nyankɔbege gai-gai. Taɓai ei awi ra ngar-ɓeege ke dè nang nè bere mbak, ɔsi nja de nan’t tede ngine’n ndɔ rɔ ke bò le Nube ke njètɔgmong.

Lookilera’n 18:2

Doo ke danrán nè nga tam tà se ndu’n ke bòi beng ede nè: «Ɓee-bò ke Babylone nga tuju! ɓee-bò ke Babylone nga tuju! Ɓee-bò nè nga tel è kei ndi ndilge ke majelé a, kei ɓɔyɔ ra le ndilge ke yêr a tɔ. Ɓee-bò nè nga tel è kei ndi helge ke yêr a, dange ke yêr ke kum kan lé a tɔ.

Lookilera’n 18:23

Por lampe à ndoin ndên kem̂i i ɓee-bò’t nè nga gugu ndan lé a, doo à koo ndu njé taa dinye kige se njé ngaw kige kem̂i i ɓee-bò’t nè nga gugu ndan lé ta. Oiyo, njé ra gatege ke ndii kem̂i i ɓee-bò’t nè nga géa, ndɔ ke ei baw nyankingege dè nang nè: tede i libe kum girkoje dooge malang se dè ɓee-dè ɓee ade ndemi a tɔ.»

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 2:24

Nè gute si sei njékebe nange le Nube ke kem̂ ɓee-bò ke Thyatire ke i taai nyan-ndó nè nga lé a, i sangi le geri nyanger ke dé ɓar’n «dunge nyangerge le njè kem̂ majelé» nga lé a tɔ. Man m’ede sei ndàt titeke man m’unde nyankoto ke wɔi ke rang dè si’t lé ta.

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:8

Njèkɔse tà se dooge à unde loo tee le libe kum girkoje dooge se dè ɓee-ɓee dè kum nang ke sɔ’t. E ɔse nja Gog se Magog nan’t tede kaw rɔ’n. Dooge le’n ke ɔse nja de nan’t le kaw kile’n rɔ nga, kɔr de bule asenan se nyeenger ke tà ba-bò kate’t.

Lookilera’n 3:9

An! njé ke kem̂ kei kebe nan’t le Sú tami edi nè n’ei Juipge. Nè ei lanmi karè m ei Juipge ke get lé. M’a m’ade d’ade ree le kɔse keje de nang noin’t a, d’ade ger titeke m’tári a tɔ.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.

Lookilera’n 9:20

Gute dooge malang ke por se sà por a, se nyan karé ke ker jengleng tɔl de lé nga mbati turi hal de. Ei ɗɔyi ndilge ke majelé a, se mage polége ke asi kan-in loo éké kooi tà éké njiyei lé a tɔ. Mage polége nè nga, è dé dooge nè kuwe á dé leen de se nar-ɔr, se nar-nda, se ninge-kase éké se mbal éké se kagege ke dé tɔl a tɔ.