Lookilera’n 12:7 - Nouveau Testament en Gulay 2004

⁷ Rɔ oso kem̂ danran’t tip. Michael se dooge le’n ke danrán rɔi se dan-kɔbe nè ngain. Dan-kɔbe se dooge le’n géa rɔi se de ngain a tɔ.

Lookilera’n 12:7 ပူးပေါင်းရင်းမြစ်များ

Matthieu 13:41

Man ke m’ee Ngonn doo nga m’a m’ule dooge le’m ke danrán kade rein-in njétuge madege jig’t kade osoi dann kaiya’t a, se njékaltà tà ndukunnge’t le Nube malang kum de nata kɔke kêm Konɓee’t le’m.

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 26:53

Ké i gir kêmi’t titeke ɗarinè m’asekum ɓar Bɔ’m kade din-in’m se kos njérɔge ke asi aru dɔg loo kɔr-mute-mute nga lé wa?

2 Nje Ke Corinthe 12:7

Nyange ke Nube ribe dè ade’m nga, ei nyange ke dum kum. Gir’n ke nè á ngonn njèkule le Sú ɓer’n konn ram’t tede kɔge’m loo kunde’m kàde’m dè nyange ke tooi loo ɓɔyɔn’t gai ke Nube tɔje’m ade m’an nè nga.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

Hebreuge 2:10

Nube è njèkunde nyange malang, nyange malang tooi takul’n. E ndige tel dooge bule ke ngann kem̂nge kade ingei ndubra le’n se’n n’ee Nube nan’t tɔ. Gir’n ke nè á è tel’n Jésu ke njèkaje dooge ke maje ɔr njêt tede nyankem̂konge ke è inge.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

Jude 1:9

Michel ngar le dooge ke danrán nga, ndɔ ke gaki nan se sú dè ninn njèyo Moise’t. Michel ndige le gangtà dè sú’t lé a, ndige le taje’n lé a tɔ. Nè è ede sú ede nè: «Maje kade Kuwe-ɓee kuwe ndángi.»

Lookilera’n 12:8

Nè tɔg dan-kɔbe ase tête rɔ lé. E se dooge le’n nga, loo le de goto danrán ta.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:7

D’inye loo d’ade’n kade rɔ se dooge le Nube ke tooi se ninn de a, kade tête de rɔ a tɔ. D’ade’n tɔgmong kade on kosdooge se girkoje dooge ke dè nang nè ke tà tam de è gai-gai a, dooge ke se dè ɓee-dè ɓee a tɔ.

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.