Lookilera’n 12:4 - Nouveau Testament en Gulay 2004

⁴ Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 12:4 ပူးပေါင်းရင်းမြစ်များ

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 12:7

Rɔ oso kem̂ danran’t tip. Michael se dooge le’n ke danrán rɔi se dan-kɔbe nè ngain. Dan-kɔbe se dooge le’n géa rɔi se de ngain a tɔ.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:2

Dan ke m’an’n nga tanan se kak. Nè nja’n ɓaa tanan se nja dan ke ri’n nè «Ours» a, tà’n tanan se tà toboi a tɔ. Dan-kɔbe ade dan nè nga tɔgmong le’n se kutu-ngar le’n a, se dèmong le’n ke bò a tɔ.

Lookilera’n 13:4

Dooge malang ulei dè de nang non dan-kɔbe’t ɗɔyi nin tede tɔgmong le’n ke tel’n ade dan nè nga. Dooge ulei dè de nang non dan’t nè nga ɗɔyi nin edi nè: «Ké nan á tɔg’n asenan se le dan nè nga wa? Ké nan asekum rɔ se’n wa?»

Lookilera’n 16:13

M’an ndilge ke majelé ke majelé mute undei loo teei taai nan se kanran bange bè. E ke karé tee tà dan-kɔbe’t, è ke karé tee tà dan’t a, è ke karé unde loo tee tà doo ke ra ra’n ke njèribe-dè-tà ke tà Nube’t a tɔ.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.

Lookilera’n 8:10

Doo ke danrán ke njèkon’t mute kɔl burunju. Ke loon’t nè kuwe, kɔnyon ke bòi ke on por njoi-njoi tite lampe bè in danrán oso nang. Kɔnyon nè nga oso dè debe ba karé’t dann madege ke mute’t se dè ngur mannge’t a tɔ.

Lookilera’n 8:11

Ri kɔnyon nè nga è Absinthe, ate karar. Debe mann ke karé dann madege mute’t tel ate karar. Dooge ngain weii tede kate ke mannge nè teli ati karar.

Lookilera’n 8:12

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 8:7

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.

Lookilera’n 8:8

Loo ke doo ke danrán ke njèkon’t joo kɔl burunju ɓaa, d’ade nyan karé ke tanan se mbal ke bòi ke taa por bilm-bilm ɔr ɓarak oso dann ba-bò kate’t. Debe ba-bò kate karé dann madege ke mute’t tel mese.

Lookilera’n 8:9

Debe nyankundege karé dann madege ke mute’t ke awi kumgajer dann ba-bò kate’t weii kabak. Debe batoge ke karé dann madege ke mute’t tuju kɔke.

Lookilera’n 9:10

Tà ɓong de ate njêt tite ɓong kuju-nang-ge bè. Tɔgmong le de ke le ra’n se dooge nyantosowur ase nange mi nga, tò ɓong de’t.

Lookilera’n 9:19

Tɔgmong le sindege nè nga è tà de’t a, ɓong de’t a tɔ. Ɓong de tò asenan se lige bè. Ɓong de nga dè’n tò tutu. Tɔgmong ke dé ra’n kum dooge ndoo nga, è ɓong de’t.