Lookilera’n 12:3 - Nouveau Testament en Gulay 2004

³ Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.

Lookilera’n 12:3 ပူးပေါင်းရင်းမြစ်များ

Lookilera’n 12:1

Go’t gugu, nyantɔje ke bò unde loo tee kàde danran’t. Dinye karé ule kàde rann’t tite kubu bè. E ube nan gir njann’t a, ule jɔkɔ kɔnyonge dɔg-gidé-joo dènn’t a tɔ.

Lookilera’n 12:13

Loo ke dan-kɔbe an titeke dé sure’n d’ile’n nata dè nang nè ɓaa, è unn gir rɔ go dinye ke ndɔ ke oje ngonn ke dingem nga par-par.

Lookilera’n 12:17

Wong ra dan-kɔbe ngain dè dinye’t. E in aw ile rɔ dè gute ngannkà dinye’t nè nga. Ngannkà dinye nè nga, ei dooge ke ilei koje dè ndukunnge’t le Nube a, dè ngarankum tà ke ndɔ ke Jésu ede de nga a tɔ.

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 12:7

Rɔ oso kem̂ danran’t tip. Michael se dooge le’n ke danrán rɔi se dan-kɔbe nè ngain. Dan-kɔbe se dooge le’n géa rɔi se de ngain a tɔ.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:1

Taɓai m’an dan karé ke rang unde loo tee dann ba-bò kate’t. Dan nè nga ube gajennge dɔg a, dènnge ei ji sejimute a tɔ. E tule jɔkɔ ke ndoin asenan se kɔnyon tu gajennge’t karé-karé malang. Rige ke dé ndang tu dènnge’t karé-karé malang nga ei rige ke ɔje dè tam tà ke majelé se Nube.

Lookilera’n 13:2

Dan ke m’an’n nga tanan se kak. Nè nja’n ɓaa tanan se nja dan ke ri’n nè «Ours» a, tà’n tanan se tà toboi a tɔ. Dan-kɔbe ade dan nè nga tɔgmong le’n se kutu-ngar le’n a, se dèmong le’n ke bò a tɔ.

Lookilera’n 13:4

Dooge malang ulei dè de nang non dan-kɔbe’t ɗɔyi nin tede tɔgmong le’n ke tel’n ade dan nè nga. Dooge ulei dè de nang non dan’t nè nga ɗɔyi nin edi nè: «Ké nan á tɔg’n asenan se le dan nè nga wa? Ké nan asekum rɔ se’n wa?»

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 16:13

M’an ndilge ke majelé ke majelé mute undei loo teei taai nan se kanran bange bè. E ke karé tee tà dan-kɔbe’t, è ke karé tee tà dan’t a, è ke karé unde loo tee tà doo ke ra ra’n ke njèribe-dè-tà ke tà Nube’t a tɔ.

Lookilera’n 17:12

Gaje dan ke dɔg ke i an nga, ei ngar-ɓeege ke dɔg. Dé nè nga d’on ɓee lé ɓai, nè d’ade de tɔgmong asenan se ngar-ɓeege bè, tede kade d’on’n ɓee nan’t kum kàde karé se dan.

Lookilera’n 17:16

Gaje dan ke dɔg se dan ke i an de kété nga, à ɔri kaiya-dinye nè nga njêt a, à uwei nin le tɔri kubuge rann’t ndát-ndát kinyei nin mbur’n suturu karè. D’a d’use dan’n a, d’a ró’n se por rák-rák a tɔ.

Lookilera’n 17:7

Doo ke danrán ede’m ede nè: «Ké bain á ade ndili tee an-in soin-soin bè wa? M’a m’ɔrgir nyan ke tò loo ɓɔyɔn’t ɔje dè dinye se dan ke unn’n gidenn’t nga, kade oo. Dan nè nga dènnge ei ji sejimute a, gajennge ei dɔg a tɔ.»

Lookilera’n 19:12

Kum’n on por njoi-njoi asenan se por bilm-bilm bè. Jɔkɔ tête rɔ bule tò dènn’t a tɔ. Dé ndang ri ke doo karé bè géa ger lé dènn’t. Ri nè nga è kuwe se kar’n á ger.

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.