Lookilera’n 12:2 - Nouveau Testament en Gulay 2004

² Dinye nè nga ndann ngonn kem̂’n tɔge lêng-lêng. Ndo ule’n ndibe ngain ade non kaláng-kaláng a tɔ.

Lookilera’n 12:2 ပူးပေါင်းရင်းမြစ်များ

Matthieu 24:8

Nè nyange nè malang è kunn gir nyantosowur ke à ra sei ke ra ɓai titeke ndo ra’n dinye bè.

Jean 16:21

Loo ke ndo ra dinye ɓaa, è ndi dann kumndoo’t tede è ndɔ’n le’n. Nè loo ke è oje ngonn ɓá ɓaa, ra’n nel’n ade kêm’n wei nal sêl dè ndo ke kété ule’n ndibe tede doo ke oje’n ile’n nang nga.

Nje Ke Galatie 4:19

Ngannemge, koje ke m’oje sei nga, ndo le si ule’m ndibe asenan se dinye ke à oje ngonn bè. Ndo le si nè nga à ule’m ndibe titeke bè sár kade i teli i taai nan se Krist tcha-tcha.

Nje Ke Galatie 4:27

Tede dé ndang kem̂ Magtub ke tò se ninn’n d’ede nè: «I ke i kuju ke oje ngonn lé nga, i ra ranel. Al rai se ndui ke bòi beng i ke ndɔ karé ndo rai lé nga. Ngann le dinye ke dé sure’n d’inye’n nga bulei ngain dumi ngann le dinye ke njè ngaw ke ndi kei ngaw’t.»

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.