Lookilera’n 12:12 - Nouveau Testament en Gulay 2004

¹² Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»

Lookilera’n 12:12 ပူးပေါင်းရင်းမြစ်များ

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 2:14

– Maje kade dooge ulei ndubra dè Nube ke njèndi sêm danran’t. Maje kade kêmlom le Nube nain se dooge ke taai kêm’n dè nang nè a tɔ.

Hebreuge 10:37

Magtub le Nube ke tò ninn’n tam ede nè: «E ke ndi à ree nga, mbɔr ɓaa, è à ree kuwe m à tile mbɔr lé.

2 Pierre 3:8

Kotárge le’m, adi kem̂ si wei nal dè tà’t nè nga lé: Ndɔ ke karé bere nga tò asenan se ɓal aru dɔg a, ɓal aru dɔg nga è tite ndɔ ke karé bere tàkum Nube’t a tɔ.

Lookilera’n 10:6

E mann ra’n se ri ke njèndi kumgajer se non, ke njèkunde danran se nang, se ba-bò kate a, se nyange malang ke tooi tutu a tɔ. Doo ke danrán nè nga tam ndàt ede nè: «Ase nan’t lé ta.

Lookilera’n 11:10

Dooge ke ndii dè nang nè à rai ranel tede kwei le de a, à ali ra de ngain a tɔ. Taɓai à ulei se nyange kuwei noje se nan ke yo ke nè, tede njéribe-dè-tàge ke tà Nube’t ke joo nè nga, ei njé kade kem̂ dooge ke nang nè olé bɔt-bɔt.

Lookilera’n 11:14

Nyantosowur ke njèkon’t joo nga tuge gang ɓá. An-in! è ke njèkon’t mute à ree ngɔr.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:6

E unn gir tam tàge ke majelé se Nube. E taje ri Nube a, loo ndi’n a tɔ. Dan nè nga taje dooge ke ndii danrán a tɔ.

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 8:13

M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»

Lookilera’n 9:12

Nyankem̂kon ke desêin nga dere ɓá. An! nyankem̂konge ke rang joo à reei kuti go è ke nè ɓai.