Lookilera’n 12:10 - Nouveau Testament en Gulay 2004

¹⁰ Go’t gugu ɓai, m’oo ndu doo ɓar danrán beng ede nè: «Kaje se tɔgmong a, se konɓee le Nube le jéi nga, ɗarinè reei ɓá ta. Ɗarinè, tɔgmong è ji Krist’t le Nube nga ta. Njè kile tà dè ngakon jéige’t non Nube’t ndɔɔ a, kada a nga, dé sure’n mbeng d’ile’n nata dè nang nè.

Lookilera’n 12:10 ပူးပေါင်းရင်းမြစ်များ

Matthieu 26:64

Jésu tel ilé dè’t ede nè: – E nga kuwe i tam non ɓá. Nè man m’ede sei ndàt, unn gir ɗarinè, sei a an-in man ke m’ee Ngonn doo m’a m’ndi dè jikon Nube ke Njètɔgmong’t. Sei a kan-in man loo ree’t le’m dann bum’t dɔ danrán.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Matthieu 6:10

Maje kade on ɓee dè dooge a, maje kade dé ra gute ndui d’ade ɔr njêt titeke dé ra’n danrán a tɔ.

Tà ke Maje ke Luc ndang 11:2

Jésu ede de ede nè: – Loo ke a ɔji tà se Nube ɓaa, i tami edi nè: «Bɔjé, Maje kade dooge malang geri titeke rii è ri ke tò se ninn’n gai; Maje kade on ɓee dè dooge’t.

Tà ke Maje ke Luc ndang 22:31

Go’t gugu Jésu ɓar Pierre ede’n ede nè: – Simon, Simon, an! Nube inye loo ade Njè sú dooge le kade yei sei titeke dé yeii’n ko le kɔr’n yinge-dè’n gai bè.

1 Nje Ke Corinthe 5:4

I kebi nan se ri Kuwe-ɓee le jéi Jésu-Krist ɔri nan tà. Man géa tàgir le’m um se si nan’t bɔk loo kebe nan’t nè nga tɔ. Se go tɔgmong le Kuwe-ɓee,

2 Nje Ke Corinthe 12:9

Nè è tel ile’m dè’t ede nè: «Kêm-maje le’m asi nák tede tɔgmong le’m kile ra’n ke nata gir yai’t lei.» M’unde kàde’m ngain dè yai’t le’m tede kade tɔgmong le Krist taa’n ra’m pel-pel.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 2:26

Dooge ke têti rɔ a, ilei koje dèm’t sár ndɔ ke ngeinn’t ɓaa, m’a m’ade de tɔgmong ke ndɔ ke Bɔ’m ade’m. M’a m’ade de tɔgmong kade on-in ɓee.

Lookilera’n 7:10

Dé tam tà se ndu de ke bòi beng d’ede nè: «Nube le jéi ke ndi kutu-ngar’t a, Ngonn bate a, á ei njékaje jèige.»