Lookilera’n 12:1 - Nouveau Testament en Gulay 2004

¹ Go’t gugu, nyantɔje ke bò unde loo tee kàde danran’t. Dinye karé ule kàde rann’t tite kubu bè. E ube nan gir njann’t a, ule jɔkɔ kɔnyonge dɔg-gidé-joo dènn’t a tɔ.

Lookilera’n 12:1 ပူးပေါင်းရင်းမြစ်များ

Matthieu 12:38

Njékɔrgir gute-nduge se Pharisienge ke nange deji Jésu edi nè: – Ngar, jè ndige le kade i ra nyankɔbe karé ade j’an.

Matthieu 24:30

Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Marc 13:25

Kɔnyonge à in-in danrán tosoi nang a, tɔgmong-ge ke ade nyange ke danrán uwei nan sêm-sêm à yeii ɓuk-ɓuk a tɔ.

Tà ke Maje ke Luc ndang 21:11

Nang à yei ɓuk-ɓuk se looge ke nange gai-gai a, ɓo-bò se yo-kos à osoi se loo-loo a, nyange ke tooi ɓel ngain ke doo an ndɔ karé lé à undei loo teei kàde danran’t a tɔ.

Tà ke Maje ke Luc ndang 21:25

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

Nyanra Njekawkulege 2:19

M’a m’ade nyange ke dum kum à teei kade danrán’t dɔ a, nyankɔbege à teei dè nang nè á tɔ: mese se ndon por a, se sà por undei loo teei a tɔ.

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

Nje Ke Rome 3:22

Nube ɔr tà dè dooge’t malang tede kêm de ke undei dè Jésu-Krist’t, m ɔr kum doo karé dann de’t lé.

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

Nje Ke Galatie 3:27

Sei malang d’ulei sei manné njonm se ri Krist nga, sei teli taai nan se Krist.

Nje Ke Galatie 4:26

Nè ɓee-bò ke Jérusalem ke dɔ nga ndi dè’n pal, è è á è kon jéi a tɔ.

Nje Ke Galatie 6:14

Man ɓaa, nyan karé bere ke m’unn’n tà ra’m dè de’t nga, è kwei le Krist Kuwe-ɓee le jéi Jésu Krist kade kage-ke-dese’t. M’an nyange le nang nè ke nyange ke tuji tede kwei le Kuwe-ɓee le jéi Jésu-Krist. Man géa dooge ke dè nang nè an-in man ke doo ke wei bè tɔ.

Nje Ke Ephese 5:32

Nyan ke tò loo ɓɔyɔn’t nga, è nyan ke bò. Nè man m’tam tà nè nga m’ɔje’n dè Krist se njékebe nange le Nube.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 12:3

Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 21:14

Geng-bɔr le ɓee-bò nè nga, d’unde gir’n dè mbalge ke dɔg-gidé-joo. Dé ndang ri njékawkulege ke dɔg-gidé-joo le Ngonn bate dè mbalge’t nè nga karé-karé malang.

Lookilera’n 21:23

Ɓee-bò nè nga aw ndoo kàde éké nan ke nyan-ndogó le’n lé. Nè Nube kuwe è nyan-ndogó le’n a, Ngonn bate á è lampe le’n a tɔ.