Lookilera’n 11:8 - Nouveau Testament en Gulay 2004

⁸ Ninn de à tò nang ka-rebe kɔse’t kem̂ ɓee-bò ke dé ɓer Kuwe-ɓee le de kàde kage-ke-dese’t tutu nga. Ɓee-bò nè nga dé ɓar’n se gos d’ede nè: Sodome se Egypte.

Lookilera’n 11:8 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Nyanra Njekawkulege 9:4

E gudu nang bɔlɔk ɓaa, è oo ndu doo ɓar’n deje’n ede nè: – Saul, Saul, ké bain á ɔr’m kororoi bè wa?

Hebreuge 13:12

Gir’n ke nè á Jésu géa weii’n gide ɓee-bò ke Jérusalem nata tede kade mese’n ɔr’n kosdooge unde de se ninn de gai.

Hebreuge 6:6

Nè né è bè géa, ei teli ɔsi kundekem̂ le de pater nali osoi gide loo’t nata. Dooge nè nga, loo tel tur hal de dum de bang ta. E dooge nè á tɔli Krist Ngonn le Nube ɓeri nin kàde kage-ke-dese’t a, ilei rasɔl dènn’t tàkum dooge’t nata ndái-ndái a tɔ.

2 Pierre 2:6

Ndɔ ke Nube gangtà dè ɓee-bòge ke Sodome se Gomorrhe ade por ró dooge ke ndɔ ke ndii kem̂ ɓee-bòge nè nga rák-rák ade teli ei bu. E ade ɓee-bòge nè nga teli ei nyan-tɔje tede le dooge ke njékaltàge ke ndɔ ke rang.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 11:9

Ninn de à tò dɔ ngɔr se ndɔ sɔ kade dooge ke nange dann kosdooge’t a, girkoje dooge ke dè nang nè ke tà tam de è gai-gai a, dooge ke se dè ɓee-ɓee à an-in. Nè à inyei loo kade dé dubu ninn de nga lé.

Lookilera’n 14:20

Dé mbule kul nduu nè se nja de kem̂ rebe mboré mann nduu’t nè gide ɓee-bò’t nata. Mese tee kem̂ rebe mboré mann nduu’t nè nga ule loo gɔngong-gɔngong ase kurloo aru mutege bè a, in sár aw ɔde aljem̂ ke tà sindege’t a tɔ.

Lookilera’n 14:8

Doo ke danrán ke njèkon’t joo ndolè go njè ke desêin nga se tà tànn’t ede nè: «Babylone ke bòi nga oso! Babylone ke bòi nga oso! Babylone nga è njè kade girkoje dooge gai-gai malang weii yo wong tò se nan ke kaiya’t asenan se yibe nduu wong ke tɔl dooge singling bè.»

Lookilera’n 16:19

Ɓee-bò nga kai ra’n danné loo mute. Ɓee-bòge ke dè ɓeege ke rang malang nga géa, tosoi tuji a tɔ. Kem̂ Nube olé dè kaiyage’t le ɓee-bò ke Babylone. Nube ade’n nyantosowur ke kem̂ bai yibe nduu wong’t le’n an-in.

Lookilera’n 17:1

Taɓai, doo ke danrán karé dann madennge ke ji sejimute ke ndai se bai nyantosowurge ke ji sejimute ji de’t nga ree ede’m ede nè: «I ree ade m’edi tà ke d’ade gang dè ɓee-bò ke tò tà ba-bòge’t. Ɓee-bò nè ra ra’n ke kaiya-dinye.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 17:5

Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 18:10

D’ade ɓel nyantosowur ke à ra ɓee-bò nè nga ɓaa, d’a nda heb se’n tá d’a tam kede nè: «Habi! nyantosowur ke bain á tanan bè! ké nyantosowur ke bain á tee dè ɓee-bò ke Babylone, ke njètɔg nga, titeke bè wa! Ké i nga kuwe á Nube gangtà dèi’t kum kàde karé bere nè wa?»

Lookilera’n 18:18

Loo ke an-in sà por ke ndi à ró ɓee-bò nè nga ɓaa, tami tà se ndu de ke bòi beng edi nè: «Ɓee-bò ke tanan se ɓee-bò nè nga goto.»

Lookilera’n 18:2

Doo ke danrán nè nga tam tà se ndu’n ke bòi beng ede nè: «Ɓee-bò ke Babylone nga tuju! ɓee-bò ke Babylone nga tuju! Ɓee-bò nè nga tel è kei ndi ndilge ke majelé a, kei ɓɔyɔ ra le ndilge ke yêr a tɔ. Ɓee-bò nè nga tel è kei ndi helge ke yêr a, dange ke yêr ke kum kan lé a tɔ.

Lookilera’n 18:21

Doo ke danrán karé ke njètɔg unn her ke tò titeke mbal kusu ko ke bòi bè lɔke piring ile dann ba-bò kate’t, ede nè: «Ɓee-bò ke Babylone nga, d’a d’ile’n piring kɔke titeke bè kuwe tɔ. Doo à tel kan’n gugu ndan lé sár.

Lookilera’n 18:24

I Ɓee-bò ke Babylone nga, tà mese njéribe-dè-tàge ke tà Nube’t se dooge le’n se njé ke ndɔ ke dé tɔl de nga, tà’n uwe dèi ɗarinè ɓá ta.