Lookilera’n 11:7 - Nouveau Testament en Gulay 2004

⁷ Loo ke njékɔrgo tàge le’m ke joo nè nga à ɔri son le kule le de njêt ɓá ɓaa, dan-ton à unde loo tee kem̂ bolè ke son’n goto’t, le kile rɔ dè de’t. Dan-ton nè nga à tête de rɔ a, à tɔl de a tɔ.

Lookilera’n 11:7 ပူးပေါင်းရင်းမြစ်များ

Tà ke Maje ke Luc ndang 13:32

Jésu tel ile de dè’t ede nè: – Awi edi njan nè nga: «Jésu rɔ ndilge ke majelé a, ɔr ratur ra dooge’t ɓila a, barè a tɔ. Ndɔ ke njèkon’t mute ɓaa, à tɔl gang kule le’n ta.»

Tà ke Maje ke Luc ndang 8:31

Ndilge ke majelé nè nga, ndingei ndoo tà Jésu’t le kade unn ndu’n ade n’undei loo n’teei n’awi kêm bolè ke son’n goto’t nga lé.

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 19:30

Loo ke Jésu njibe mann nduu ke mase nè nga ɓá ɓaa, è tam ede nè: – Gir’n nyan malang gang ɓá ta. Ke loon’t nè kuwe tànn’t tête nyonk ade dè’n tel oso ragm.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 12:17

Wong ra dan-kɔbe ngain dè dinye’t. E in aw ile rɔ dè gute ngannkà dinye’t nè nga. Ngannkà dinye nè nga, ei dooge ke ilei koje dè ndukunnge’t le Nube a, dè ngarankum tà ke ndɔ ke Jésu ede de nga a tɔ.

Lookilera’n 13:11

Go’t gugu, m’an dan karé ke rang unde loo tee dè nang nè. Dan nè nga ube gaje’n joo tite gaje ngonn dege-bate. Dan nè nga tam tà tite dan dan-kɔbe.

Lookilera’n 13:7

D’inye loo d’ade’n kade rɔ se dooge le Nube ke tooi se ninn de a, kade tête de rɔ a tɔ. D’ade’n tɔgmong kade on kosdooge se girkoje dooge ke dè nang nè ke tà tam de è gai-gai a, dooge ke se dè ɓee-dè ɓee a tɔ.