Lookilera’n 11:3 - Nouveau Testament en Gulay 2004

³ M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 11:3 ပူးပေါင်းရင်းမြစ်များ

Matthieu 11:21

– Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari.

Matthieu 18:16

Nè loo ke è mbate koo tà lei ɓaa, i tel aw se doo karé éké joo sei inge’n. Ke nè á tà le njékɔrgotàge joo éké mute aw go nan’t ɓaa, è ke nè kuwe ase gɔl nyan malang.

Tà ke Maje ke Luc ndang 10:13

Sei dooge ke kêm ɓee ke Chorazin nga a an-in ɓai! Sei dooge ke kêm ɓee ke Bethsaida nga, a an-in ɓai! Nyankɔbege ke ndɔ ke dé ra dann si’t nè nga, ke nè á ndɔ ke kété dé ra d’ade dooge ke kêm ɓee ke Tyr se Sidon an-in ɓaa, bainléa ɓila à tulei kubu ndoo ndii nang dann bu’t tede turi hal de mari bere.

Tà ke Maje ke Luc ndang 24:48

Nyange ke sei an-in nga ɔri go tà’n gar-gar adi dooge ke rang ooi.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Jean 3:27

Jean ede de ede nè: – Doo asekum kinge nyan se dè ra’n lé. Nyan ke Nube kuwe ade doo tá doo asekum kinge.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 13:31

Go’t gugu ɓaa, Jésu unde’n loo tee pan ade njé ke ndɔ ke danni nin ɓeekon ke Galilée awi se’n kêm ɓee-bò ke Jérusalem an-in nin ndɔ bule. Dé nè nga kuwe á ɗarinè dé tel dé njékɔrgo tàge le’n kade kosdooge.

Nyanra Njekawkulege 2:32

Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

1 Nje Ke Corinthe 12:28

Dooge ke desêin ke Nube unde de dè njékebe nange’t le’n nga ei njékawkulege, njé ke ɔsi go de ei njéribe-dè-tà ke tà Nube’t. Dooge ke njèkon’t mute ei njéndó dooge nyan. Go’t ɓaa, ei njé ra nyankɔbege se njékɔr ratur ra dooge’t se njé ra se dooge ke rang se njékɔr non dooge a, se njé tam tà tam dooge ke rang gai-gai a tɔ.

2 Nje Ke Corinthe 13:1

Kaw ke m’a m’aw ɓéee le si nè nga, è njèkon’t mute ta. Titeke Magtub le Nube tam’n ede nè: «Doo ke tà oso dènn’t ɓaa, tà ke à tee tà njékɔrgo tàge joo éké mute kuwe ase gɔl tà nè malang kade oso nan’t.»

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 11:2

Nè loo ke kem̂ kei’t nata ɓaa, inye ade tò m i mbɔje lé. Loo nè nga d’inye d’ade girkoje dooge ke geri Nube lé. Girkoje dooge ke geri Nube lé à tubei ɓee-bò ke tò se ninn’n nja de’t ase nange kɔr-sɔ-gidé-joo.

Lookilera’n 11:6

Njékɔrgo tàge le’m ke joo nè nga awi se tɔgmong le kuti kum danrán kade mann ndi oso nang ɗêin lé kem̂ ndɔge aru dɔg-gidé-joo ke a ilei mber tà le Nube nga. Dé nga d’aw se tɔgmong le kade mannge teli mese a, le kilei nyantosowurge ke se ri de-ri de dè nang nè titeke kem̂ de ndige.

Lookilera’n 12:6

Dinye nè nga an-in ranm-ranm aw ɓɔyɔ ra’n kem̂ dile’t. Nube uwe dè nja loo kem̂ dile’t nè tede kade d’ul’n tutu ndɔ aru dɔg-gidé-joo se kɔr-mute-mute.

Lookilera’n 13:5

D’inye loo d’ade tàge ke tur-tur se tà nede Nube kujei nan tà dan’t nè nga pɔt-pɔt. D’ade’n tɔgmong kade ra’n kule ase nange kɔr-sɔ-gidé-joo.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.