Lookilera’n 11:2 - Nouveau Testament en Gulay 2004

² Nè loo ke kem̂ kei’t nata ɓaa, inye ade tò m i mbɔje lé. Loo nè nga d’inye d’ade girkoje dooge ke geri Nube lé. Girkoje dooge ke geri Nube lé à tubei ɓee-bò ke tò se ninn’n nja de’t ase nange kɔr-sɔ-gidé-joo.

Lookilera’n 11:2 ပူးပေါင်းရင်းမြစ်များ

Matthieu 27:53

Loo ke Jésu unde loo tee dann njé ke koo’t ɓá ɓaa, njétaakêm-Kristge ke ndɔ ke weii undei loo teei pan awi kêm ɓee-bò ke tò se ninn’n adi dooge bule ngain an-in de.

Matthieu 4:5

Taɓai sú ɔr Jésu aw se’n Jérusalem, ɓee-bò ke tò se ninn’n, aw unde’n sêm Kei’t le Nube, ede’n ede nè:

Matthieu 5:13

Sei sei kate le dooge ke dè nang nè. Ke nè á kate ke don tel bɔlɔs ɓaa, ké ri á d’a ra’n kade tel don gugu wa? Nyan ke le ra’n ke rang goto, nè d’a kunn kum nata kade dooge njiyei dè’t.

Tà ke Maje ke Luc ndang 21:24

D’a tɔl njé ke nange se kuye kaskar a, d’ade tuwe njé karége kaw se de ɓer se looge gai-gai dann girkoje dooge’t malang. Girkoje dooge gai-gai à tubei ɓee-bò ke Jérusalem nang mbajer-mbajer sár kade ndɔ konɓee le de ase’n deĵ.

Hebreuge 10:29

Doo ke an Ngonn le Nube ke nyan lé nga, d’a gangtà ke tò ɓel dènn’t dum madege ke rang. Ké sei giri bè an-in lé wa? Kerɔte kuwe, doo nè nga ile koje dè mese mann-ra ke d’ɔr’n d’unde’n se ninn’n gai nga lé. E nede Ndil-Kem̂nda ke njè kade jè geri kem̂noje le Nube nga.

Lookilera’n 11:11

Ninn de tò dɔ ngɔr se ndɔ sɔ. Go’t gugu ɓaa, Nube ule kebe kem̂ njéribe-dè-tàge ke joo nè nga ade teli tɔsi ndeli in-in ndai se nja de dɔ. Dooge malang ke an-in de nga, ɓel ke bòi unde de ndàt gang de.

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 12:6

Dinye nè nga an-in ranm-ranm aw ɓɔyɔ ra’n kem̂ dile’t. Nube uwe dè nja loo kem̂ dile’t nè tede kade d’ul’n tutu ndɔ aru dɔg-gidé-joo se kɔr-mute-mute.

Lookilera’n 21:10

Doo ke danrán nè nga unn ndil’m seen aw se’m dè mbal ke bòi ke ngal lêng-lêng. E tɔje’m ɓee-bò ke tò se ninn’n gai. Ɓee-bò nè nga è Jérusalem ke in ra Nube’t danrán á ree.

Lookilera’n 21:2

M’an Jérusalem ke kige, è ɓee-bò ke tò se ninn’n ke in danrán ra Nube’t rise nang. Ɓee-bò nè nga tò asenan se ngomande ke ra ra’n mande tàkum ngawn’t bè.

Lookilera’n 22:19

Ke nè á doo ɔr nyan karé dann tàge ke tà Nube’t ke tò kem̂ magtub’t nè ile ngang karé ɓaa, Nube à ɔge’n kuse kann kage ndikumgajer nè éké à ɔge’n kile nja’n kem̂ ɓee-bò ke tò se ninn’n ke dé ndang tà’n kem̂ magtub’t nè nga.