Lookilera’n 11:19 - Nouveau Testament en Gulay 2004

¹⁹ Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 11:19 ပူးပေါင်းရင်းမြစ်များ

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 12:1

Go’t gugu, nyantɔje ke bò unde loo tee kàde danran’t. Dinye karé ule kàde rann’t tite kubu bè. E ube nan gir njann’t a, ule jɔkɔ kɔnyonge dɔg-gidé-joo dènn’t a tɔ.

Lookilera’n 16:1

Taɓai, m’oo ndu doo in gile kei ke tò se ninn’n le Nube ɓar beng ede dooge ke danrán ke ji sejimute ede nè: «Otoi nyantosowurge ke kem̂ bai wong-ge ke ji sejimute le Nube nga awi ɓênglei dè nang nè.»

Lookilera’n 16:18

Ke loon’t nè kuwe, ndi têl a, ndu doo ɓar beng-beng a, nang unn gir yei ɓuk-ɓuk a tɔ. Unn gir mari ke doo ndii’n dè nang nè nga, nang yei ɓuk-ɓuk tite è ke nè nja karé lé ɓai!

Lookilera’n 16:21

Kɔtchege ke bò-bò ke ɔyi tite nar-nda bè in-in danrán tilei dè dooge vbang-vbang. Dooge taji Nube dap-dap tede nyantosowur ke kɔtchege rai se de. Nyantosowur ke ra de nè nga, è nyantosowur ke tò ɓel ngain dum madege ke rang malang.

Lookilera’n 19:11

Go’t gugu, m’an danrán teen tà’n. An! ke loon’t nè kuwe, sinde-gaglam unde loo tee pitring se doo gidenn’t. Doo ke al dènn’t nga, dé ɓar’n Ngarankum Maje kule. E gangtà a, rɔ se dè naje’n a tɔ.

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 7:15

Gir’n ke nè á dé nda’n non kutu-ngar’t le Nube, dé ɗɔi’n kada a, ndɔ a, gile kei’t le’n ke tò se ninn’n gai. E ke ndi kutu-ngar’t à ra kei kubu dè de’t.

Lookilera’n 8:5

Doo ke danrán nè nga uge yal por ke dè ɗinger loo nyankuje-mese’t kem̂ bai ró katchatchage’t ade rusu neĵ ɓaa, è lɔke ile piring dè nang nè. Ke loon’t nè kuwe, ndi ndang a, têl a, ndu dooge ɓar wuu-wuu a, nang unn gir yei ɓuk-ɓuk a tɔ.

Lookilera’n 8:7

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.