Lookilera’n 11:18 - Nouveau Testament en Gulay 2004

¹⁸ Girkoje dooge ke se dè ɓee-dè ɓee adi wong ra de, nè ɗarinè wong ke lei in sei tɔ ta. Ɓila è ndɔ gangtà dè njé ke koo’t. Ndɔ kuge dè ji ɓer kulege lei ke ei njéribe-dè-tàge lei nga ase ɓila ta. Dooge ke bòi se njé ke ngannge ke ei leige a, ke ilei koje dèi’t a tɔ nga, ndɔ kuge dè ji de ase ɓila ɓá ta. Dooge ke njé nuju dè nang nè nga géa, ndɔ kade i tuju de ase deĵ ɓá a tɔ.»

Lookilera’n 11:18 ပူးပေါင်းရင်းမြစ်များ

Matthieu 5:12

I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Tà ke Maje ke Luc ndang 1:50

Kêmkanm le’n nga, ngei’n goto tede le njé ke ilei koje dènn’t.

Hebreuge 9:27

Dookunde le Nube nga, gar-gar à wei nja karé bere ke ngang’n. Go’t gugu ɓita Nube à gangtà dènn’t ɓai.

Lookilera’n 10:7

Nè ndɔ ke doo ke danrán ke njèkon madennge’t ji sejimute à unn gir kɔl burunju ɓaa, Nube à ra nyan le’n ke ɔje ke tò loo ɓoyɔn’t le kɔr son’n njêt. Nyan ke ɔje le ra ke tò loo ɓɔyɔn’t ɓai nga, ndɔ ke è ade ɓer kulege le’n ke ei njéribe-dè-tàge ke tànn’t ilei mber’n kété mari bere.»

Lookilera’n 11:2

Nè loo ke kem̂ kei’t nata ɓaa, inye ade tò m i mbɔje lé. Loo nè nga d’inye d’ade girkoje dooge ke geri Nube lé. Girkoje dooge ke geri Nube lé à tubei ɓee-bò ke tò se ninn’n nja de’t ase nange kɔr-sɔ-gidé-joo.

Lookilera’n 13:10

Doo ke d’uwe dè nja dangai d’ɔje’n dè’n ɓaa, à aw dangai’t kuwe. Doo ke d’ɔje kade wei yo kuye kaskar ɓaa, à kwei yo kuye kaskar kuwe gar-gar. Gir’n ke nè á, maje kade dooge le Nube ke tooi se ninn de oréi tà njak dè kundekem̂ dè Nube’t le de.

Lookilera’n 13:16

Dan ke njèkon’t joo nè ɔse dooge malang, ngannge se njé ke tɔgege, bawge se njéndooge, ɓerge se dooge ke ndii dè de pal, ade dé tɔse nyankorji jikon de’t se nat-non de’t.

Lookilera’n 14:10

è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 15:7

Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ.

Lookilera’n 18:6

I rai n’ee titeke ndɔ ke n’rai sei bè tɔ. Nyan ke ndɔ ke ɓee-bò nè ra se si nga i rai se’n guté nja joo. Nyankain mann ke ndɔ ke n’nim yibe nduu kem̂é n’ade an-in nga, i nimi yibe nduu ke ate karar tutu nja joo adi n’an-in tɔ.

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 19:18

I reei tede kade usei danra ngar-ɓeege se njékan dè njérɔge, njé tɔgmong-ge se sinde-rɔge a, se njé kal dege a tɔ. I reei usei danra dooge malang, njé ndii dè de palge se ɓerge, se ngann dooge a, se dooge ke tɔge a tɔ.»

Lookilera’n 19:5

Ndu doo ɓar se ke dè kutu-ngar’t ede nè: «Sei ɓer kulege le Nube le jéi malang, sei ngannge se dooge ke tɔgege ke i ɓeli ndil’n nga, ɔsi pa i pitii nin!»

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 22:12

Jésu ede nè: «Oo maje, man m’tel ree ngɔr. M’a m’aw se nyankuge dè ji le’m jim’t tede kuge’n dè ji dooge karé-karé malang se go kule ra de, ra de.