Lookilera’n 11:15 - Nouveau Testament en Gulay 2004

¹⁵ Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 11:15 ပူးပေါင်းရင်းမြစ်များ

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Tà ke Maje ke Luc ndang 1:33

Ngonn nè nga à on ɓee dè kosdooge ke Israel’t sár se non. Konɓee le’n nga, ngei’n goto.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 15:6

Loo ke è ree se’n ɓéee ɓá ɓaa, è ɓar madennge se njémade-tà-keige le’n ɔse nja de nan’t ede nè: «Ade jè rai ranel tede bate le’m ke ndɔ ke ndem nga, m’inge’n ɓá ta.»

Nyanra Njekawkulege 4:26

Ngar-ɓeege ke dè nang nè ndii dè nja de’t le kaw rɔi; njékonɓeege géa umi nan’t bɔk le kin-in se Kuwe-ɓee a, se Krist le’n ke è ndum wubu dènn’t nga a tɔ.»

Hebreuge 1:8

Nè loo ke Nube tam tà ɔje’n dè Ngonn’n ke dagi nè ɓaa, è ede’n ede nè: «Kutu-ngar lei i Nube tò sár se non a, kage konɓee lei nga è kage konɓee ke se dè naje’n a tɔ.

Lookilera’n 10:7

Nè ndɔ ke doo ke danrán ke njèkon madennge’t ji sejimute à unn gir kɔl burunju ɓaa, Nube à ra nyan le’n ke ɔje ke tò loo ɓoyɔn’t le kɔr son’n njêt. Nyan ke ɔje le ra ke tò loo ɓɔyɔn’t ɓai nga, ndɔ ke è ade ɓer kulege le’n ke ei njéribe-dè-tàge ke tànn’t ilei mber’n kété mari bere.»

Lookilera’n 12:10

Go’t gugu ɓai, m’oo ndu doo ɓar danrán beng ede nè: «Kaje se tɔgmong a, se konɓee le Nube le jéi nga, ɗarinè reei ɓá ta. Ɗarinè, tɔgmong è ji Krist’t le Nube nga ta. Njè kile tà dè ngakon jéige’t non Nube’t ndɔɔ a, kada a nga, dé sure’n mbeng d’ile’n nata dè nang nè.

Lookilera’n 15:4

Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»

Lookilera’n 16:17

Doo ke danrán ke njèkon madennge’t ji sejimute uwe nyantosowurge ke kem̂ bai wong’t le’n sanrin ke dɔ. Ndu doo in se ke dè kutu-ngar’t ɓar beng gile kei ke tò se ninn’n le Nube ede nè: «Girtà gang ɓá ta.»

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 19:1

Go nyange’t nè nga, m’oo ndu doo ɓar danrán beng tite ndu kosdoo-bulege bè ede nè: «Alléluia! i piti Kuwe-ɓee le jéi, tede kaje a, se ndubra a, se tɔgmong a tɔ ei le’n è kuwe.

Lookilera’n 19:6

M’oo ndu koosdoo-bulege ɓar asenan se ká mann ba-bòge a, ɓar tite ndi ke ndang se tɔg’n bè a tɔ, ede nè: «I piti Kuwe-ɓee! I piti Kuwe-ɓee Nube le jéi ke njè tɔgmong nga tede taa konɓee jinn’t ɗarinè ɓá ta!

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 8:12

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.

Lookilera’n 9:13

Doo ke danrán ke njèkon’t mute-mute kɔl burunju. M’oo ndu doo ɓar sɔbe dè kil ɗinger loo nyankuje-mese ke sɔ ke dé ra se nar-ɔr. Loo nyankuje-mese nè nga tò non Nube’t.