Lookilera’n 11:13 - Nouveau Testament en Gulay 2004

¹³ Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 11:13 ပူးပေါင်းရင်းမြစ်များ

Jean 9:24

Pharisienge tel ɓari doo ke kété è njèkumtɔ nga dejii tà nja karé ɓai edi nè: – I tam kerɔte non Nube’t. Dingem nè nga, jè ɓaa jè ger titeke è njè ra majelé.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Lookilera’n 11:11

Ninn de tò dɔ ngɔr se ndɔ sɔ. Go’t gugu ɓaa, Nube ule kebe kem̂ njéribe-dè-tàge ke joo nè nga ade teli tɔsi ndeli in-in ndai se nja de dɔ. Dooge malang ke an-in de nga, ɓel ke bòi unde de ndàt gang de.

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 14:7

Doo ke danrán ke m’an’n nel bage nga tam tà se ndu’n ke bòi beng ede nè: «Ilei koje dè Nube’t a, ulei ndubra dènn’t a tɔ, tede kàde gangtà le’n nga tee ɓá. I ɗɔyi Nube ke njèkunde danran se nang a, ba-bò kate se ngire mannge ke an-in kutch-kutch a tɔ.»

Lookilera’n 15:4

Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.

Lookilera’n 3:4

Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.

Lookilera’n 8:5

Doo ke danrán nè nga uge yal por ke dè ɗinger loo nyankuje-mese’t kem̂ bai ró katchatchage’t ade rusu neĵ ɓaa, è lɔke ile piring dè nang nè. Ke loon’t nè kuwe, ndi ndang a, têl a, ndu dooge ɓar wuu-wuu a, nang unn gir yei ɓuk-ɓuk a tɔ.