Lookilera’n 11:10 - Nouveau Testament en Gulay 2004

¹⁰ Dooge ke ndii dè nang nè à rai ranel tede kwei le de a, à ali ra de ngain a tɔ. Taɓai à ulei se nyange kuwei noje se nan ke yo ke nè, tede njéribe-dè-tàge ke tà Nube’t ke joo nè nga, ei njé kade kem̂ dooge ke nang nè olé bɔt-bɔt.

Lookilera’n 11:10 ပူးပေါင်းရင်းမြစ်များ

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Nyanra Njekawkulege 5:33

Loo ke tà nè oso mbi njégangtàge’t ɓaa, wong ra de ngain ade ndigi le kade d’udu kum njékawkulege.

1 Nje Ke Corinthe 13:6

Doo ke tár nan tò kêmn’t à ra nyan se dè naje’n a, à ra ranel dè ngarankum tà’t a tɔ.

Lookilera’n 12:13

Loo ke dan-kɔbe an titeke dé sure’n d’ile’n nata dè nang nè ɓaa, è unn gir rɔ go dinye ke ndɔ ke oje ngonn ke dingem nga par-par.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 16:10

Doo ke danrán ke njèkon’t mi uwe nyantosowur ke kem̂ bai wong’t le’n ɓêngle dè kutu-ngar’t le dan. Tilkus sebe ràp-ràp dè ɓeekon’t le dan nè nga. Nyantosowur ra dooge ade ton-in tà de vbat-vbat.

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.