Lookilera’n 10:11 - Nouveau Testament en Gulay 2004

¹¹ Doo ke danrán tel ede’m ede nè: «Gar-gar, i tel i ribe dè tàge ke tà Nube’t nè ade kosdooge se girkoje dooge ke dè nang nè ke tà tam de è gai-gai nè nja karé ɓai. I ribe dè tàge nè nga ade ngar-ɓeege bule a tɔ.»

Lookilera’n 10:11 ပူးပေါင်းရင်းမြစ်များ

Lookilera’n 10:10

M’taa ngonn magtub nè ji doo ke danrán’t m’ur lang ɓaa, linde tàm’t asenan se tuju bè nè kate’n toso wur’m karar-karar.

Lookilera’n 11:1

Go’t gugu ɓaa, d’ade’m kage tuwe-mann ke tanan se kage tɔse bè. Ɓaa d’ede’m d’ede nè: «In dɔ ɔje ngal gile kei se là kei ke tò se ninn’n le Nube a, ɔje là ɗinger loo nyankuje-mese se ngal’n a tɔ. Taɓai i mbɔje kɔr njé ke ndii à ɗɔyi Nube kem̂ kei nè nga a tɔ.

Lookilera’n 11:9

Ninn de à tò dɔ ngɔr se ndɔ sɔ kade dooge ke nange dann kosdooge’t a, girkoje dooge ke dè nang nè ke tà tam de è gai-gai a, dooge ke se dè ɓee-ɓee à an-in. Nè à inyei loo kade dé dubu ninn de nga lé.

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.

Lookilera’n 17:10

Ngar-ɓeege ke ji sejimute nga, dé sure njé ke mige d’ile de ɓá ta. Nè è ke karé ke njèkon de’t mute-mute ndi on ɓee a, è karé ke rang ndi à ree ɓai a tɔ.

Lookilera’n 17:12

Gaje dan ke dɔg ke i an nga, ei ngar-ɓeege ke dɔg. Dé nè nga d’on ɓee lé ɓai, nè d’ade de tɔgmong asenan se ngar-ɓeege bè, tede kade d’on’n ɓee nan’t kum kàde karé se dan.

Lookilera’n 17:15

Doo ke danrán nè nga tel ede’m ede nè: «Mann bage ke kaiya-dinye ndi dè’t ke i an de kété nga, è kosdoo-bulege se girkoje dooge malang ke dè nè ke tà tam de è gai-gai a, dooge ke se dè ɓee-dè ɓee a tɔ.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.