Lookilera’n 10:1 - Nouveau Testament en Gulay 2004

¹ Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.

Lookilera’n 10:1 ပူးပေါင်းရင်းမြစ်များ

Matthieu 17:2

Ke loon’t nè kuwe ra’n tel waks tàkum de’t. Tàkum’n ndoin kein-kein tite kàde a, kubuge ke rann’t tel nda káng-káng a, unji njai-njai tite lookar bè.

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Nyanra Njekawkulege 26:13

Ngar, loo ke m’nain rebe ɓai kuwe, m’an nyan in danrán ndogó gan dè jé se njémade-loo-kawge le’m wàk. Ndogó le nyan nè nga dum le kàde ɓai.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 18:1

Go nyange’t nè ɓaa, m’an doo karé ke rang in danrán rise nang. E aw se tɔgmong ke bò. Ndubra le’n ndogó ade loo ke dè nang nè bere mbak unju njai-njai.

Lookilera’n 18:21

Doo ke danrán karé ke njètɔg unn her ke tò titeke mbal kusu ko ke bòi bè lɔke piring ile dann ba-bò kate’t, ede nè: «Ɓee-bò ke Babylone nga, d’a d’ile’n piring kɔke titeke bè kuwe tɔ. Doo à tel kan’n gugu ndan lé sár.

Lookilera’n 20:1

Go’t gugu, m’an doo karé in danrán rise nang. E uwe lakêlé kɔr tà be ke son’n goto jinn’t. Doo ke danrán nè nga uwe sul ke mong mêr-mêr jinn’t nda’n.

Lookilera’n 4:3

Doo ke ndi dè kutu-ngar’t nga ra’n ndoin kein-kein asenan se herge ke ɓal ke ri de nè Jaspe se Sardoine. Munde-ba ke ndul turuk-turuk tite her ke ri’n nè Emeraude bè an-in dè kutu-ngar’t nè nga ulei nan’t wàk.

Lookilera’n 5:2

Go’t gugu ɓaa, m’an doo ke danrán ke njètɔg. E deje tà se ndu’n ke bòi bèng ede nè: «Ké nan asekum tutu tà nyankorjige ke dé tinye’n tà magtub’t nè nga le teen kem̂ kan wa?»

Lookilera’n 8:13

M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»