Lookilera’n 1:4 - Nouveau Testament en Gulay 2004

⁴ Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 1:4 ပူးပေါင်းရင်းမြစ်များ

Jean 1:1

Kété ɓita kade Nube unde nang nè nga, tà ndi tutu. Tà nè ndi nan’t se Nube kété mari. Tà nè nga kuwe è Nube a tɔ.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 2:9

Njé ke nange dann jéi’t in-in kêm ɓeekon ke Parthes se Médie se Elam se njé ke in-in ɓeekon ke Mésopotamie se Judée se Cappadoce se Pont se Asie,

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

1 Nje Ke Corinthe 1:3

Maje kade Bɔ jéi Nube a, Kuwe-ɓee le jéi Jésu-Krist adi sei kêmnoje se kêmlom.

2 Nje Ke Corinthe 1:2

Maje kade kêm-maje se kêmlom ke in ra Bɔ jéi Nube’t se ra Kuwe-ɓee Jésu Krist nain se si.

Hebreuge 13:8

Jésu-Krist nga tel ra’n rang lé. E ndi titeke tagela a, titeke ɓila a tɔ. A ndi titeke bè sár se non.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:17

Loo ke m’an doo nè nga bè ɓaa, m’oso njann’t nang rɔk tite doo ke wei bè. E ile jikon’n dèm’t nem̂ ede’m ede nè: «Ebe rai ɓel. Man nga m’ee ke desêin a, ke ngeinn’t a tɔ.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 1:8

Kuwe Nube tam ndàt ede nè: «Man nga m’ee ke desêin a, ke ngeinn’t a tɔ. Man m’ndi tutu kété ke mari sár tee ɓila. M’ndi m’aw sei non.»

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 16:5

Go’t gugu, m’oo ndu doo ke danrán ke njèkan dè mannge tam ede nè: «Gangtà lei ke titeke bè nga, è se dè naje’n kuwe, i kuwe se kari bere luk-luk á i tò se ninni gai, i nga i ndi tutu kété mari ke desêin sár tee ɗarinè.

Lookilera’n 2:12

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Pergame. E ke aw se kuye kaskar ke tà ate ngang joo nga, tam ede nè:

Lookilera’n 2:18

«I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Thyatire. Ngonn le Nube ke kum’n taa por bilm-bilm tite ndon por bè a, nja’n ndoin tite ninge-kase a tɔ nga, tam ede nè:

Lookilera’n 2:8

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Smyrne. E ke kété desêin se è ke ngeinn’t, è wei kété ɓita tel ndi kumgajer nga tam ede nè:

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 22:8

E man Jean kuwe á m’oo tà nè se mbi’m a, m’an nyange nè se kum’m a tɔ. Loo ke m’oo tà nè a, m’an nyange nè bè ɓaa, m’oso nang nja doo ke danrán ke kété tɔje’m nyange nè nga le ɗɔi’n.

Lookilera’n 3:1

«I ndang magtub nè ade doo ke danrán ke njèkan dè njékebe nange ke kem̂ ɓee-bò ke Sardes. E ke ndilge ke ji sejimute le Nube se kɔnyonge ke ji sejimute tooi jinn’t nga, tam ede nè: M’ger pa njiyei mbak. Ri ndikumgajer kuwe ɓar dèi’t karè, nè ke get ɓaa, i tò asenan se doo ke wei ɓá. E tam ede nè:

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè:

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 4:8

Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.