Lookilera’n 1:3 - Nouveau Testament en Gulay 2004

³ Doo ke tute magtub nè nga ra’n à nel’n. Njé ke uri mbi de ooi tàge ke in tà Nube’t a, tɔsi kum de dè nyange ke dé ndang tà’n kem̂ Magtub’t nè nga ɓaa, ra de à nel de tɔ. Nyange ke ndɔ ke m’tam tà’n nè nga, ndɔ’n nain ngɔr ta.

Lookilera’n 1:3 ပူးပေါင်းရင်းမြစ်များ

Matthieu 24:15

Ndɔ karé a an-in Njè tuju loo à al ɗáng ndi loo ke tò se ninnen’t. Doo nè nga, Daniel njèribe-dè-tà ke tà Nube’t tam tà le’n kété. Maje kade nanan ke tute magtub nè ɓaa, gir tà nè nga maje le ger.

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Nje Ke Rome 13:11

I rai titeke bè tede sei geri kêm ndɔ ke jè ndii tutu ɗarinè nga mbak. Kàde kade i ndeli dè ɓi’t ase ɓá. Kété ke ndɔ ke j’undei kêm jéi dè Krist’t nga, kaje è se jéi heb ɓai, nè ɗarinè kaje è se jéi ngɔr ta.

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

2 Pierre 3:8

Kotárge le’m, adi kem̂ si wei nal dè tà’t nè nga lé: Ndɔ ke karé bere nga tò asenan se ɓal aru dɔg a, ɓal aru dɔg nga è tite ndɔ ke karé bere tàkum Nube’t a tɔ.

Lookilera’n 22:10

Doo ke danrán nè nga tel ede’m ede nè: «Tàge ke tà Nube’t ke dé ndang kem̂ magtub’t nè nga, maje kade i ɓɔyɔ dè lé, tede ndɔ ke kade nyange nè teei nain ngɔr ta.

Lookilera’n 22:12

Jésu ede nè: «Oo maje, man m’tel ree ngɔr. M’a m’aw se nyankuge dè ji le’m jim’t tede kuge’n dè ji dooge karé-karé malang se go kule ra de, ra de.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 3:11

Man m’ree kalang. Nyan ke tò jii’t nga, uwe mong-mong tede kade doo karé bè géa taa jɔkɔ tête rɔ lei nga aw’n lé.