Lookilera’n 1:2 - Nouveau Testament en Gulay 2004

² Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.

Lookilera’n 1:2 ပူးပေါင်းရင်းမြစ်များ

Jean 1:32

Jean ɔrgo tà nè nga ede nè: – M’an Ndil-Kêmnda tò asenan se der-nda bè in danrán ree ndi dènn’t.

Jean 12:17

Doobulege ke ndɔ ke ei nan’t se Jésu loo ke ndɔ ke ɓar’n Lazare ade tɔse’n ndel in gir yo’t nga, ɔri ser nyan ke an-in se kum de adi dooge ke rang ooi ke kété-kété.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Jean 21:24

E njèkuwe-gir-Jésu nè nga kuwe á ɔrgo tà nyange ke ndɔ ke an se kum’n a, se tàge ke ndɔ ke oo se mbin’n a tɔ. E ndang de kêm Magtub’t nè. Jè ger titeke tà ke è ɔrgo nga è ngarankum tà kerɔte kuwe.

Jean 3:11

Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Nyanra Njekawkulege 22:15

Gar-gar a i njèkɔrgo tà le’n. Nyan ke an se kumi a, oo tà’n se mbi a tɔ nga, ɔrgir ade dooge malang.

Nyanra Njekawkulege 26:16

Nè ɔse nang in dɔ, i nda dè njai’t. An! gir nyan ke m’tee’n dèi’t pan nga: man m’ɔri ke ngonn njèndi le’m a, ke njèkile mber ɔje dè nyange ke ɓila an se kumi. A i njèkile mber ɔje dè nyange ke ndɔ ke rang m’a m’tɔji ɓai a tɔ.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

1 Nje Ke Corinthe 1:6

Tà le Krist ke ndɔ ke j’ede sei nga tule ngire’n kêm si’t janm-janm.

1 Nje Ke Corinthe 2:1

Ngakonmge, kaw ke ndɔ ke m’aw ra si’t m’ede sei tà ke ɔje dè nyan le Nube ke tò loo ɓɔyɔn’t nga, è se tà nel éké gos tam tà le dooge karè lé.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:19

Nyange ke i an se kumi ɓá a, nyange ke reei ɓai a tɔ nga, i ndang kem̂ magtub’t.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 12:17

Wong ra dan-kɔbe ngain dè dinye’t. E in aw ile rɔ dè gute ngannkà dinye’t nè nga. Ngannkà dinye nè nga, ei dooge ke ilei koje dè ndukunnge’t le Nube a, dè ngarankum tà ke ndɔ ke Jésu ede de nga a tɔ.

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 22:21

Maje kade kem̂noje le Kuwe-ɓee Jésu nain se si malang.

Lookilera’n 6:9

Go’t gugu, Ngonn bate tutu tà nyankorji ke njèkon’t mi. Ke loon’t nè kuwe, m’an ngarankum ra njé ke ndɔ ke dé tuje kɔbe de tede tà le Nube ke kété ɔri go nga tooi gir ɗinger loo nyan-kuje mese’t.